福盈酒家

营业中

休息中

今晚唔想煮饭，就带一家人去附近的这间酒楼试下菜。入到门口唔驶等位，可以使用安心出行同埋手写资料，然后量度完体温就可以入内，非常顺畅。当晚比较早入座所以唔算多人，坐低服务员马上帮手开位同介绍有咩好食。谂左一阵我们就叫左片皮鸭一只，粟米班块，芝士大虾伊面同埋海鲜粉丝煲。片皮鸭虽然可以两食，但系怕食唔晒，所以只是打包了个壳。味道方面OK的，但皮就有点淋同干，但份量足够四人享用。粟米班块就麻麻地，唔够脆同有少少过火所以㶶左少少。海鲜粉丝煲够干身同惹味，材料又够多，份量适中。芝士大虾伊面，大虾数量多，但虾的体型比粉丝煲的细只，伊面就粘著一团，味道就一般。食到差不多的时间，人开始多，服务员开始忙，所以想加水都无人理会。整体上面唔会太差，但系有可以改善的地方。