影片
更多
2020-05-24
490 浏览
挟住网民票选全亚洲五十佳咖啡店之衔头，又有虹吸咖啡大赛嘅世界冠军坐阵，呢间想帮衬咗好耐，无奈知佢一直都系长龙店，闲闲哋都要排一个钟以上，所以直至最近，先至有机会试到😂。到访当日，下午去到，人山人海，唯有放弃。晚上，死心不息，再次去碰运气，终于等到有位💃💃。嚟得呢度，饮 Specialty Coffee 当然系主菜，虽然 menu 内咖啡五花八门，但系原来每日只会供应有限品种，我哋唔钟意酸味太强嘅咖啡，经 barista 推介后，拣咗水洗嘅 Guatemala LA MINITA La Flor，menu 形容风味为 “花香，坚果，朱古力，口感干净明亮”。我哋叫咗一杯 Syphon，一杯 Hand Drip，发觉后者较易入口，酸味亦较少，不过整体嚟讲，两杯都系正嘅。另一人唔是啡精，拣咗橙皮 flavor 嘅 Cappuccino，我试咗一啖，啡浓奶滑，好香橙味，不过比想像中甜。呢杯嘅拉花系草泥马，之前喺小店嘅 社交平台Page 见过，好可爱，不过我哋呢只经手人可能唔同，变咗国字脸，个样好搞笑😆。呢度嘅甜品又系好出色，我哋叫咗全份伯爵茶忌廉，枫糖浆配特浓朱古力雪糕 Waffle，Waffl
嚟得呢度，饮 Specialty Coffee 当然系主菜，虽然 menu 内咖啡五花八门，但系原来每日只会供应有限品种，我哋唔钟意酸味太强嘅咖啡，经 barista 推介后，拣咗水洗嘅 Guatemala LA MINITA La Flor，menu 形容风味为 “花香，坚果，朱古力，口感干净明亮”。我哋叫咗一杯 Syphon，一杯 Hand Drip，发觉后者较易入口，酸味亦较少，不过整体嚟讲，两杯都系正嘅。另一人唔是啡精，拣咗橙皮 flavor 嘅 Cappuccino，我试咗一啖，啡浓奶滑，好香橙味，不过比想像中甜。呢杯嘅拉花系草泥马，之前喺小店嘅 社交平台Page 见过，好可爱，不过我哋呢只经手人可能唔同，变咗国字脸，个样好搞笑😆。
呢度嘅甜品又系好出色，我哋叫咗全份伯爵茶忌廉，枫糖浆配特浓朱古力雪糕 Waffle，Waffle 香脆有蛋味，用嘅系日本雾岛鸡蛋；雪糕软滑，朱古力味浓，系纽西兰品牌；不过最有惊喜嘅肯定系伯爵茶忌廉：茶味劲清香，唔太甜，超正🤤。仲有件芝麻豆腐 Mousse Cake，虽然以肉眼观察，豆腐层好似比芝麻层厚少少，但系食落芝麻味就比较抢，两者都清清哋唔太甜，好食👍。
张贴
