韓國屋 (已結業)

当日我同个妹去左买书加埋行街, 行行下谂起奥海城有个food court (上次去奥海城既food court都已经系几年前lu~) 加上又有d 饿饿地, 所以就一齐去food court 食野比起旧时, food court 的环境的确好好多, 令我食野既心情都好d。行个round睇下有咩食时, 极喜欢食韩国餐既我见到Korea House 就叮一声要一试lei间的韩食。我要左一个下午茶餐: 迷你石锅牛肉饭迷你石锅牛肉饭比起其他店既石锅牛肉饭真系好迷你, 但作为下午茶呢个份量几好。个饭卖相唔吸引。有椰菜, 但好似烚得太耐, 过腍。牛肉略甜, 还可以的。饭比较烂, 感觉麻麻地, 好多饭"痴" 系个石锅到, 好难刮出黎食饭焦, 我觉得系因为佢provide 既食具系塑胶的, 如果系stainless steel 的话, 我估会好好多。得意既系唔知点解会加左紫菜丝同埋韩式烧烤酱, 之前食过既石锅饭都未试过, 第一次食....感觉..... 怪怪地, 我唔多钟意, 用韩式辣酱会好好多。我知道$23唔可以要求得太多, 但我觉得可以做好d, at least, d饭唔好烂先。