影片
更多
2022-11-07
479 浏览
听朋友讲手拉面既小龙包好食又大件，衬放假专登黎新浦岗试吓。怪我唔做足功课，事后先见倒有评价话店员态度差。黎到食到一肚气先知🙁话说叫左个招牌小龙包，我哋4个人，个店员俾左两碟醋，问佢先黑面俾多一碟。但都仲差一碟，见佢又唔理我地，咁岩隔离个架就放晒啲整好左既醋碟，咁咪自己拎左一碟。点知佢依个时候又见倒，即刻9秒9冲过嚟闹我地整乱晒佢啲野😒讲返味道，小龙包个皮劲厚，啲汤个味道都好一般，猪肉都唔够滑，冇啲人写得咁出众咁好食。第一啖已经失望左😕仲要一啲都唔平成$10 一粒。另外叫左上海炒年糕同回锅肉，味道不过不失，偏浓味同油，要饮返多啲水解渴。个店员由头到尾都系黑面+串串共咁上菜。题外话，我哋食到一半听倒门口位有个大叔同个店员互闹，顶唔顺个店员既态度，话以后都唔会再帮衬。我心有同感，可惜我冇大叔既勇气同佢嘈🥲
怪我唔做足功课，事后先见倒有评价话店员态度差。黎到食到一肚气先知🙁
话说叫左个招牌小龙包，我哋4个人，个店员俾左两碟醋，问佢先黑面俾多一碟。但都仲差一碟，见佢又唔理我地，咁岩隔离个架就放晒啲整好左既醋碟，咁咪自己拎左一碟。
点知佢依个时候又见倒，即刻9秒9冲过嚟闹我地整乱晒佢啲野😒
讲返味道，小龙包个皮劲厚，啲汤个味道都好一般，猪肉都唔够滑，冇啲人写得咁出众咁好食。第一啖已经失望左😕仲要一啲都唔平成$10 一粒。
另外叫左上海炒年糕同回锅肉，味道不过不失，偏浓味同油，要饮返多啲水解渴。
个店员由头到尾都系黑面+串串共咁上菜。
题外话，我哋食到一半听倒门口位有个大叔同个店员互闹，顶唔顺个店员既态度，话以后都唔会再帮衬。我心有同感，可惜我冇大叔既勇气同佢嘈🥲
张贴
