安南越式牛肉粉X越茶

营业中

休息中

好少过黎呢边, 由于朋友要过黎我先跟住一齐, 早餐食得晏左, 连下晏就迟埋, 结果就黎左呢间安南食个下午茶。而家啲下午茶一啲都唔平, 要成$55, 同普通午餐无乜太大分别, 可能佢呢度个午餐太贵, 所以$55已经系下午茶餐价 😐 叫左个咖喱牛腩饭, 个饭好硬, 唔知系咪煮得太少水, 咖喱正常味, 但无乜辣味, 牛腩就有少少嚡。跟餐加多两只鸡中翼, size超细只, 仲要鸡翼无乜味, 无谂到鸡翼都可以整得唔好食 🙄 跟餐有杯蜜桃乌龙茶, 呢个最好, 又甜又甘香。小编认为完全唔抵食, 佢啲质素比两𩠌饭价钱会合理啲。