影片
更多
2015-04-17
2630 浏览
友人想食日式放题, 叫我揾间啱心水, 于是上网寻宝, 但个D”宝”, 打电话去, 都话满座. 唯有再揾…. 卒之比我揾到间, 网友咁样形容: “间嘢D食物唔差, 鱼生卖相高档, 服务ok, 但价钱贵, 唔系好抵..…” …woo! 啱晒我啦…, “食物唔差, 鱼生高档, 服务ok”…..够啦!! 价钱贵?!?… 好吖! 即系少D人帮衬, 唔使排队, 坐得舒服D啦..…. 贵一百几十?? 我比得起….哈哈…近年网上的”试食”食评多如沙数, 以前就话可以用”食家”判断食评可信性, 但近年那些”高级”食家先最信唔过, 餐厅邀请食家已经不会再用以前的直接免费试食招数, 一些食评, 写到…好似…真系自己主动去食咁, 尤其是一些餐厅食评连续都是”高级”食家的食评, 更需要细心考究, 才可以知道真伪, 认真考功夫… 反而睇睇个D得几个食评既”食家”, 可信性更高, 最好睇”喊”评和”OK”评, “OK”评系最能反映真实, “喊”评就最能分别到服务和食物质素, 呢间日式放题, 老友就系睇中佢无太多”高级”劲人食家的食评啰…哈哈…啤酒任饮, 本来有韩国啤, 但卖晒㖞… 整咗罐全城最cheap既”狮威”,
近年网上的”试食”食评多如沙数, 以前就话可以用”食家”判断食评可信性, 但近年那些”高级”食家先最信唔过, 餐厅邀请食家已经不会再用以前的直接免费试食招数, 一些食评, 写到…好似…真系自己主动去食咁, 尤其是一些餐厅食评连续都是”高级”食家的食评, 更需要细心考究, 才可以知道真伪, 认真考功夫… 反而睇睇个D得几个食评既”食家”, 可信性更高, 最好睇”喊”评和”OK”评, “OK”评系最能反映真实, “喊”评就最能分别到服务和食物质素, 呢间日式放题, 老友就系睇中佢无太多”高级”劲人食家的食评啰…哈哈…
啤酒任饮, 本来有韩国啤, 但卖晒㖞… 整咗罐全城最cheap既”狮威”, 重唔够冻添, 顶吖!! 心谂..又话”高档”, 真系激死…即刻想写食评了…..哈哈哈哈
好彩, 开心嘢好快出现, 先来了刺身并盘, 三文鱼, 正常过正常, 口感新鲜, 三文鱼通常都无问题. 油甘鱼, 味道略为比一般的淡, 但也算不错, 肉质口感佳好. 吞拿鱼, 与专做刺身的日式店, 明显不同, 鱼味特别的淡口, 但口感不差. 剑鱼腩, 在日式餐厅食开剑鱼腩的人, 一定食得出放题店的剑鱼腩是特别不同, 放题那种全白一片的鱼身, 味道不同, 口感也比较差. 帆立贝, 一粒切开两小块, 入口鲜味, 口感一流, 再落单!!! 极大甜虾, 系真系够大, 但应该有名, 唔知点解用”极大”呢个名? 虾肉鲜味, 口感清新, 另外的两只小虎虾当然无得比. 其他例如赤贝和象拔蚌片都上盛, 好满意.
友人食放题, 唔介意比多些少钱, 钟意慢慢食, 就算过了时间, 比多几十蚊, 都无所谓, 出得嚟食嘢, 唔会悭个少少. 第二轮香葱吞拿鱼腩(蓉)军舰, 芥辣八爪鱼军舰, 海胆军舰, 蟹肉蟹膏军舰. 唔讲咁多了. 编辑大人见上面写咗几行食物, 都应该唔会弹翻转头…哈哈… 但必须要提一提”海胆军舰”, 上台时, 的确打了一突, 真系无想过会有这么著数的寿司. “海胆军舰”卖相虽不是十分出众, 但都绝对是交足功课, 这两件军舰, 就算系中价日式餐厅, 都要五十元吧… 海胆的品种, 眼望见, 应该属于较贵的”加拿大”海胆, 但入口, 比街外常见的加拿大海胆略为淡味, 要再了解一吓才可以知内中究竟.
火炙三文鱼腩, 烧到半熟的三文鱼唔啱我, 友人话唔差㖞. 火炙海鳗, 好奇怪的口味, 并非街外食开的烧鳗鱼样子, 似白鳗入货后自己加工. 火炙左口鱼群边, 入口即溶的感觉, 街外都差唔多. 火炙黑松露帆立贝, 黑松露是揾嚟搅, 做样多于口味, 帆立贝烧完后特别硬.
烧银杏, 搅笑, 两粒一串, 好味.
鸡翼串烧, 两款, 我只食了一款, 几好, 烧得香口. 鸡软骨串烧, 未烧得够时间, 好硬. 烧虾, 唔太痴壳, 肉质尚佳. 鸡肉串烧, 好甜, 啱我, 但友人话唔好食.
辣酒花螺, 辣度中等以上, 食得麻烦少少, 要用义拮出嚟食, 但好味, 后来把蚬放入酱汁, 好到要再落单.
清酒煮蚬, 卖相好, 只只胀卜卜, 但味道淡到无朋友….. 应该改名为: 清水煮蚬. 后来把蚬放入”辣酒花螺”的酱汁内, 简直系天壤之别, 后来再嚟多一round, 但要连”花螺”一齐落单.
牛油粟米, 无牛油味, 不过, 就算有牛油味, 都可以唔食.
厚切牛舌串烧, 都算厚身, 烧得够时间, 但略为”硬”一点, 膻味轻. 黑椒牛仔骨烧, 上面的一件可以, 下面的一件, 肥八瘦二, 离谱!! 蒜香牛柳粒, 软、滑、香, 牛肉味重.
日式蕃茄沙律, 清新, 微微酸, 啱晒食完油炸食物后清一清. 蟹籽沙律, 味道正常, 唔应该落单…
海带青瓜醋, 个名系我老作, 唔记得原来名称了. 唔系太酸, 都系清清地, 几好.
芝士帆立贝, 如似去咗”和民”, 上台时, 十分热, 仍然泡泡的, 味道略甜, 又系啱我, 唔啱友人.
一堆炸物, 无心机写, 手软了…. 大致上都唔错. 炸蚝, 好! 好! 好! 落咗两次单. 香蕉年糕, 好特别, 必试. 炸鸡软骨, 顶吖!!!!! 痴咗线, 成底下面都系, 完全唔同之前叫过的食物份量, 无端端比咗咁多!?!? 离谱! 食唔晒… 又谂起”写食评”…..
炸虾, 两款, ….. 手软….总之.. 好! 好! 好!....
柚子雪…..芭?... 糕? 唔记得了, 好味, 又酸、又甜、又软、又爽爽地…
绿茶雪糕, 好重茶味, 唔太甜, 想落多次单, 但….. 饱得想死了…..
焦糖蛋, 面上的脆皮焦糖, 加上下面的软身蒸蛋, 好味呀….
橙布甸, 唔啱我口味, 唔软、唔滑、唔甜、…..叫错…
张贴
