稻成小館 (已結業)

今日一行十人去食饭当做节，侍应好好服务见差不多就算未齐人都招待我哋入去座。有个4人餐我觉得唔错但屋企人唔想所以最后散叫。每样𩠌都讲下啦，首先，一啲前菜，鸡丝粉皮，花生酱比例都算正常唔太腻有花生酱味但偏淡。酒糟醉鸡，酒味好浓，鸡好嫩滑，值得一试。小笼包，我觉得一般，皮好厚，虽然汤汁好多但味道偏淡，肉味唔够浓。锅贴，又系肉味偏少，而且煎得好硬，一般般。四川回锅肉，听个名就会觉得好辣，一向唔食得辣既我，因为怕辣初时无食，但系屋企人话根本无辣味叫我试下，就求其试试啦，其实点会无辣吖，只不过𠮶种辣好轻，唔会有麻既感觉，无辣既后劲，撇除无辣之外，可以摆得入口。京葱牛肉，牛肉炒得好嫩，但刀功就麻麻喇，大小不均，仲要有啲连肉，超多京葱，整体味道偏咸，唔知系咪𠮶厨师跑马输钱。奶油津白，超级腻，唔会想再食，见到啲菜下面全部都系cream，又不是特别好味。虫草花炒翡翠苗，85蚊但份量好少，一眼望去只是2-3人份量，唔抵。至于味道，唔知系唔系翡翠苗不是时令菜，有啲苦。赛螃蟹及咕噜肉，是今晚成餐最好味最正常既菜式，甜酸比较啱啱好，每件尺寸大小适中，肉唔硬但有咬口。稻成炒饭，好多饭焦，所以好硬，味道一般不算好味，