影片
更多
2008-09-10
133 浏览
寻日入长洲玩，咁o岩平时食开o既天然甜品无开，就转o左食呢间。我一心谂住食芒果凉粉，点知老板娘话无；算啦，咁要芒果西米露啦，老板娘话西米露得热o既；极之无奈，点会连呢两样咁基本o既甜品都无o架？当我死死地气再睇餐牌时，老板娘又开口：「冻o既得返豆腐花，而且得最后一碗！」讲完仲指指个雪柜，果然，雪柜入面除o左一碗豆腐花之外咩都无......无计啦！唯有叫个芒果豆腐花。o的豆腐花食落都o.k，有少少豆味，但系......o的芒果真系酸到爆啰！我已经比好多人食得酸o野，但都系接受唔到，酸到忍唔住绉哂眉！成世人都未食过咁酸o既芒果！虽然$11系几平，但都唔系咁o既质素o卦？呢个价钱，长洲有好多舖头好过佢！至于朋友叫o既木糠布甸，味道唔错，但正如上篇食评所讲，o的口感好怪。仲有个朱古力糯米糍，无咩馅不特止，口感又比较硬，奇华o个o的好过佢多多声。$10三个，我同朋友一人一个，完全无意欲食埋净低o个个，结果又浪费食物......不得不提o既系，由我同朋友坐低开始，老板就无停过咁洗o野抹o野，仲要好似有心赶客咁，整到o的o野劲嘈。结果我o地顶唔顺o的噪音，唯有快o的食完走人......下次点都唔会再
我一心谂住食芒果凉粉，点知老板娘话无；
算啦，咁要芒果西米露啦，老板娘话西米露得热o既；
极之无奈，点会连呢两样咁基本o既甜品都无o架？
当我死死地气再睇餐牌时，老板娘又开口：「冻o既得返豆腐花，而且得最后一碗！」
讲完仲指指个雪柜，果然，雪柜入面除o左一碗豆腐花之外咩都无......
无计啦！唯有叫个芒果豆腐花。
o的豆腐花食落都o.k，有少少豆味，但系......
o的芒果真系酸到爆啰！
我已经比好多人食得酸o野，但都系接受唔到，酸到忍唔住绉哂眉！
成世人都未食过咁酸o既芒果！
虽然$11系几平，但都唔系咁o既质素o卦？
呢个价钱，长洲有好多舖头好过佢！
至于朋友叫o既木糠布甸，味道唔错，但正如上篇食评所讲，o的口感好怪。
仲有个朱古力糯米糍，无咩馅不特止，口感又比较硬，奇华o个o的好过佢多多声。
$10三个，我同朋友一人一个，完全无意欲食埋净低o个个，结果又浪费食物......
不得不提o既系，由我同朋友坐低开始，老板就无停过咁洗o野抹o野，仲要好似有心赶客咁，整到o的o野劲嘈。
结果我o地顶唔顺o的噪音，唯有快o的食完走人......
下次点都唔会再帮衬啦！
张贴