神虎拉麵 (已結業)

上次1920到都无得食，今次我地1630到，原来晚市1800先开，哥仔笑笑口叫我地1730要番黎啦，咁我地上星街行阵先。1725落到去，已经有两枱人等紧，1750左右，哥仔出黎同大家解释d面每次只能做两碗，大家要有耐心先食到好野。1750我地已经坐左入去啦。坐左入去唔代表咁快有得食，我地等左10分钟左右，师傅终于俾我地碗面我地啦！我地见到得一块肉真系有d失望，夹落就知唔惹少！块肉又重又厚好好味，女仔黎讲一块都几够，男朋友话下次要食大d果碗，有4块肉好正抖咁话呀！我地另外又叫左饺子，个汁有d 辣辣地，成只都系肉，不过不失。我同男朋友都系食野慢既人，但系碗面食到完都仲好热好热，男朋友饮埋d汤得番少少汤起底都仲出紧烟，相信d汤真系煮左好耐，唔系平时好似豚王咁食两野就冻哂。另外个汤浓得黎好好味，唔会愈食愈浓同咸。食完都唔觉口干。一出门男朋友即刻话：好正，下次再食。