八八八拉麵 (已結業)

系尼度见有咁多好评，以为一定好食，点知.....我同朋友去 叫左两个面，一只温泉蛋。我同佢个面唔同款，我叫左一号既面，佢叫七号。我地两个都觉得个面太咸，而且唔系特别好味。我个一号面 d配料好多肉碎同芽菜，如果冇猪骨，个样根本就同米线冇分别。而个汤底微辣，又系好似米线小辣汤底咁。两个人$130左右 埋单。唉...$50~60食个米线，真系唔抵。我自问要求唔高，味千我都觉得好好食。八八八同味千两间都系日本野，都系食拉面食主，但贵又贵过味千，野食又唔好味。最出奇系去八八八条走廊竟然有咁多明星签名(我见到侧田既签名)，而尼度又咁多好评。想食拉面，去味千好过。就算想食米线，都唔好去尼度食，好咸。我好似好激动咁，但我绝对冇抹黑。唔信既可以自己去试下，尼间野，真系唔值$50~60。