早安越南 (已結業)

今日来到黄埔，check下openrice有咩好味嘅店舖。search到呢间越南嘢，入来试试。结果令人失望。首先，点了一个特色咖喱牛腩饭。有咖喱，牛腩，红萝卜，同埋饭。应有嘅嘢都有，但就系一个茶餐厅嘅质素咁啰，无乜特别。但价钱就贵过茶餐厅🤷🏻‍♀️跟住点了越式炒金边粉。真系唔明点解有人推荐做热门茶式？先讲啲金边粉，系超级sticky，好痴架㖞！一大堆金边粉，痴住一pat pat，啱啱烚熟咁款，呢只橙色系想扮越式风味，但只色系令人觉得非常多色素，唔敢食。味道亦唔够，唔咸唔酸，想点？蛋丝，札肉，鸡肉，芽菜，同虾，全部有几条。我真系唔推荐啰，无下次呀真系，有无人话我听点解会有咁多好评？唔通我无食中啲好味嘅嘢？