川亭 (聯發街)

营业中

休息中

川亭最出名既就係佢既正宗重慶酸辣粉～鍾意佢既辣味唔會好過火位（小辣唔會食到流哂鼻水咁，係舒服既辣度），同埋最緊要係唔會成碗都係紅油滿滿，所以食落感覺會比較輕盈啲。酸同辣既比例恰到好處，好開胃～薯粉入味而有彈性～整體協調得唔錯～麻辣口水雞食過好多次，今次想清少少轉下新口味要左香油鹽水雞～比口水雞更加食到雞既原味。個雞望落好似甩皮甩骨咁，但係份量十足而且又好食架喎，同埋都係雞髀位所以好夠滑～麵加雞加飲品先收60蚊，喺灣仔lunch 嚟講性價比真係唔錯～所以每次 lunch time 到勁多人幫襯～要食又唔想排隊就要趁早啦～