專業咖喱皇 (已結業)

上星期六约6点半，路经佐敦突然肚饿，见到对面马路的专业咖哩皇，便去试试。入到去，竟然一个客都冇，只有银发红唇婆婆和一个中国、一个印度waitress。但我地都坐低，选了印度咖哩鸡和俄罗斯焗猪扖饭，婆婆问要唔要春卷，我地梗系唔要la！唔知新唔新鲜！有个男人由厨房走出来，叫我地不如要芝士焗猪扖饭，我地唔肯改，佢就走返入去。印度哩鸡的味道ok，但个印度waitress只手指掂到碗边d咖哩就打晒折扣！俄罗斯焗猪扖饭 － 恐布！！是一块切开唔知有冇炸过嘅猪扖放在牛油味的黄色稀汤里，用个锡纸盆装著就叫做焗？白饭分开上。这是正宗的俄罗斯焗猪扖饭吗？还是要加芝士？差不多走的时候有一对男女进来，婆婆又问要唔要春卷、炒米线，话唔系日日有。梗系唔系日日有la！都冇客！银发婆婆又要坐响门口一边食烟、一边叫人入去食嘢。