四合院 (已結業)

朋友突然之间想食辣嘢，book到位。第一次去，有少少期望。本人都几喜欢川菜，食到辣！去到餐厅第一感觉系装修普通，有四川感觉，使用既台、台布、餐具都同平民食肆差不多。餐牌简单，两个人食，点咗一个鲜虾牛肉干锅，四季豆同两杯特饮。起𩠌好快，食咗一啖既感觉就系：点解唔麻唔辣既？之后问番侍应哥哥先发现原来所有菜都较过味、为适应香港人既口味，有分小辣、中辣、大辣。。。但问题系菜牌上无写清楚，落单时适应又无问过我喔。咁D𩠌冇咗麻辣，剩系得D咸味，好唔掂！用既食材亦唔多掂，全部肉都似冰鲜平价货色，口味同家常菜差唔多，充其量比阿妈煮既好D咁多。杯特饮又淡到好似水甘，唔知想点！仲要几百蚊甘贵！我去过唔少国内同香港川菜馆，四合院完全唔系同人一个level，差咗几十皮。我唔会再去帮衬！！！