Vision 8

$80猪扒有阵鸭胸味，肉质偏柴。$80系食得过，原价就一定唔值。$298香煎鳕鱼，外皮好脆，鱼肉都好嫩，不过略嫌贵咗啲，呢个价钱出面有更好嘅选择。$78心太软，喺呢啲西餐厅嗌甜品都预咗贵，但系心太软隔离啲水果系发霉嘅，你都买$78啦，俾啲正常嘅生果都冇？$158斑马火腿薄饼，好食冇得弹餐包好松软，个黑松露酱同行人都话好食，本人就唔钟意黑松露所以冇尝试最后冻饮，个侍应就话帮我哋免费，其实本身饮水都冇问题，免费咁就嗌咗三杯冻柠茶，但系最尾收咗我哋每杯$4 ，话系冻饮个部机预设咗要加$4 ，但系我睇到其他人嘅评论就好似唔系咁嘅回事啦。唔系介意俾多$12 ，而系觉得好似俾人呃咗，个印象由70分，即刻跌咗落去30分，最后埋单三个人食咗八百几蚊，西餐嚟讲一定有更好嘅选择。