洋食商店 (利奧坊)

营业中

休息中

食物质素还好，虽然旧牛就明显未解冻完就拎出嚟，食落去味道正常。但食到尾先问我哋要唔要水，佢哋系无主动俾水，不过都事少。但女店员态度其差。每次我同朋友讲紧嘢，店员都会截断对话介绍𩠌菜，时机错晒。旧牛我都未食完就问我拎返只碟要上下一款肉，其实佢拎多只碟唔系好难咋话？之后我已经无晒心情同朋友继续倾落去。一入去时佢话每人低消$200，我哋听唔清楚叫佢讲多次时，佢仲要劲唔耐烦咁重覆一次。9:30pm赶住收碟，收碟仲要劲大声赶客。埋单$636两个人，但服务态度差到咁，赶收工我会建议佢直情唔好返工。