影片
更多
2025-01-28
3346 浏览
本人和家人于今晚5点订了5位庆祝阿嫂生日，阿嫂入座不久话想食个挞仔，但谂住甜品迟d先食，食咗主食先，未够6点发现个挞仔无晒，我话可能迟d会补番嘅，点等到6点半都未见有，见到有个厨师出嚟冻柜度，就即管问吓，点知佢话唔会补货，要留番比下轮食客，我绝对冇谂过甜品都系得一转， 仲要数量唔多 ，应该唔会够每台一粒。 食食吓点知枱面有只曱甴仔爬上嚟， 我哋用杯整死咗佢， 都觉得好呕心， 谂住算啦 。阿哥就去拎个生日碟返嚟影完相 ，影完相就食埋个心太软， 只碟仲响𠮶张垫枱纸度，我阿嫂仲食紧个甜品𠮶啲朱古力酱，佢刮紧朱古力酱落个雪糕度，想试下整朱古力脆皮， 点知突然间个著牛仔衫嘅男职员就走过嚟问系咪唔要㗎喇，我阿嫂就觉得好出奇，我仲食紧，点解会咁样问，以为问紧我哋，但我哋又无答，等咗几秒回神先知问紧自己，所以先答仲要㗎，点知个男职员一转头就同一个同事讲话呢只碟仲要㗎，唔好收，但手指就指住阿嫂个头嘅方向，然后再向另一个同事做同一样嘢，我个感觉好似系我哋唔啱咁，四处宣扬， 我忍唔住开声 同男职员讲，你唔使到处宣扬呀嘛， 跟住佢话唔系，我要同我啲同事有个默契呀嘛，等佢哋唔好收只碟， 跟住我话你放心啦，一间实
本人和家人于今晚5点订了5位庆祝阿嫂生日，阿嫂入座不久话想食个挞仔，但谂住甜品迟d先食，食咗主食先，未够6点发现个挞仔无晒，我话可能迟d会补番嘅，点等到6点半都未见有，见到有个厨师出嚟冻柜度，就即管问吓，点知佢话唔会补货，要留番比下轮食客，我绝对冇谂过甜品都系得一转， 仲要数量唔多 ，应该唔会够每台一粒。
食食吓点知枱面有只曱甴仔爬上嚟， 我哋用杯整死咗佢， 都觉得好呕心， 谂住算啦 。
阿哥就去拎个生日碟返嚟影完相 ，影完相就食埋个心太软， 只碟仲响𠮶张垫枱纸度，我阿嫂仲食紧个甜品𠮶啲朱古力酱，佢刮紧朱古力酱落个雪糕度，想试下整朱古力脆皮， 点知突然间个著牛仔衫嘅男职员就走过嚟问系咪唔要㗎喇，我阿嫂就觉得好出奇，我仲食紧，点解会咁样问，以为问紧我哋，但我哋又无答，等咗几秒回神先知问紧自己，所以先答仲要㗎，点知个男职员一转头就同一个同事讲话呢只碟仲要㗎，唔好收，但手指就指住阿嫂个头嘅方向，然后再向另一个同事做同一样嘢，我个感觉好似系我哋唔啱咁，四处宣扬， 我忍唔住开声 同男职员讲，你唔使到处宣扬呀嘛， 跟住佢话唔系，我要同我啲同事有个默契呀嘛，等佢哋唔好收只碟， 跟住我话你放心啦，一间实唔要㗎喇只碟，实畀你收，唔使咁急嘅。 跟住我谂谂下觉得佢身为一个服务从业员，你讲嘢嘅语气同态度都好似唔系好恰当啰， 所以我决定等佢走过嚟𠮶阵时问佢叫咩名， 佢答完我之后 ，行开咗两步就问我咩事，我话冇嘢问下咋， 再转个头佢问我系咪有咩帮到我， 我话唔系，我净系问下你个名， 跟住佢就自己无端端喺度讲话头先𠮶只碟，佢见到冇嘢食咁咪收啰 ，跟住我家姐就话咩叫冇嘢食呀， 咁多嘢你唔收，阿哥都讲呢只唔系普通食物碟嚟㗎㖞，系生日字点嚟㗎㖞，食完心太软都可以有个纪念，影多两张相呱， 跟住佢仲拉低埋个口罩同我讲嘢， 把声好似 好不悦，话我有问你系咪唔要，咁你话要咪留低啰， 我再同其他同事交代费事佢嚟收你碟呀嘛，我话其实好多同事行过见到都唔会收啦，又唔系摆响中间，𠮶只生日碟嚟，我哋就坐收碟房出面，都无人走过嚟问， 你哋而家系咪好等碟用，跟住佢就话咁同你讲对唔住啰，而家同你解释返啫，我话咁你讲完嘅话就走得。
我唔知佢哋点样请staff，有2个钟头食，我又未够钟， 食食下中途应该6点30分左右都畀人收咗对筷子， 离开咗个座位返到嚟又冇筷子又要出去攞过， 总括嚟讲成个用餐 无论食物 服务 感觉 质素 卫生都唔值呢个价钱，好似茶记咁，拿拿林收埋啲嘢赶你走咁㗎。
张贴
