鼎泰豐

营业中

休息中

寻晚喺屯门鼎泰丰叫外卖，店员畀漏咗个香葱拌面，我哋即时打电话去屯门店。当时店员话就闩门，我哋就决定第二日去攞返。第二日4点几我哋打去确认会去攞返个面，因为特登揸车过去攞，所以打算食埋堂食，店员话堂食要先攞飞，我哋网上攞飞后约20分钟到达店舖，谂住事先同店员讲声我哋要补返个香葱拌面，点知店员话如果系咁要收加一。我哋觉得奇怪，明明系寻晚店员畀漏嘢，我哋今日再去帮衬，竟然话个面要收返加一。我哋表示咁样唔合理，问咁我外卖但喺店内叫其他嘢一齐食得唔得，店员话唔得！明明系佢哋做漏嘢，最后一句唔好意思都冇，仲一定要你外卖拎走！今时今日香港人想食餐饭真系咁难？？？然后当我哋去同店员讲嘅时候，在场嘅经理表现出根本唔想我哋堂食，然后抛低一句「咁我退返钱畀你啦」，就走咗去，畀人不负责任嘅感觉，最后佢退钱后一样即刻走咗去。外卖食物质素正常，系鼎泰丰应有水准，但等待时间过长，等咗45分钟，仲要最后畀漏嘢，仲要咁样嘅服务，以后都唔会再帮衬。