影片
更多
2019-11-29
862 浏览
尽量精简地讲下pros and cons:😐😐😐1. 派飞入座混乱：Lunch time去，当然超多打工仔等位。派飞嘅哥哥好乱，皆因张飞根本唔系飞，系纸碎，手撕一小块俾大家。佢自己果张mark嘅又系废纸咁。大家喺门口等极都未攞到飞，佢自己又唔记得咗叫咗咩人入去。其实预咗午市多人，可唔可以正正经经印定啲号码纸派？organised 少少？2. 人手不足，主次不分坐满全场应该都有30个食客，但侍应得两人，其中一人仲要派飞、安排入座同收钱。另一个系几枱人叫佢落单嘅时候，竟然仲可以一丝不苟咁执野、抹枱、放靓餐牌。转头又走咗去出菜，大家等左劲耐先可以落单。落单又系搞笑，拎部ipad出来，又要等。间野又唔系多选择，快快脆脆写张纸有几难？3. 人手不足，仲要浪费人力等左十五分钟面食终于到，但系竟然冇筷子。又要等。不如你放一桶筷子喺枱我哋自己搞掂啦，唔使你去逐枱派筷子。4. 野饮又要等食完晒野都未嚟，再等。5. 份量奇少，女仔都食唔饱我叫咗招牌船面，非常意外个黄面真系四啖食完。猪润切到平时喺街食𠮶种嘅三份一咁薄，冇夸张到，同薄切肥牛𠮶啲嘅厚度一样。猪肉片都系。最饱肚嘅竟然系两粒丸。其实可唔可以唔好咁孤
😐😐😐
1. 派飞入座混乱：Lunch time去，当然超多打工仔等位。派飞嘅哥哥好乱，皆因张飞根本唔系飞，系纸碎，手撕一小块俾大家。佢自己果张mark嘅又系废纸咁。大家喺门口等极都未攞到飞，佢自己又唔记得咗叫咗咩人入去。其实预咗午市多人，可唔可以正正经经印定啲号码纸派？organised 少少？
2. 人手不足，主次不分
坐满全场应该都有30个食客，但侍应得两人，其中一人仲要派飞、安排入座同收钱。另一个系几枱人叫佢落单嘅时候，竟然仲可以一丝不苟咁执野、抹枱、放靓餐牌。转头又走咗去出菜，大家等左劲耐先可以落单。落单又系搞笑，拎部ipad出来，又要等。间野又唔系多选择，快快脆脆写张纸有几难？
3. 人手不足，仲要浪费人力
等左十五分钟面食终于到，但系竟然冇筷子。又要等。不如你放一桶筷子喺枱我哋自己搞掂啦，唔使你去逐枱派筷子。
4. 野饮又要等
食完晒野都未嚟，再等。
5. 份量奇少，女仔都食唔饱
我叫咗招牌船面，非常意外个黄面真系四啖食完。猪润切到平时喺街食𠮶种嘅三份一咁薄，冇夸张到，同薄切肥牛𠮶啲嘅厚度一样。猪肉片都系。最饱肚嘅竟然系两粒丸。其实可唔可以唔好咁孤寒？
6. 俾钱买单又系乱
大佬你又iPad落单咁，唔系有晒记录咩？又问我食乜，又要再三确认我有冇嗌小食，讲完你又唔信又要望我坐张枱
🙂🙂🙂
1. 汤底特别
汤底系特别，出面未试过。系咪话好好味呢， 又未至于，似牛肉汤加咗辣椒同埋糖去煮嘅味道啰。食完成个下昼好口渴。
2. 饮品算特别
好辛苦再谂，柠水柠茶系用青柠，又系少少特别咁啰。
🤔🤔🤔
总括以上，弊多于利。加上我返office工，晏昼得𠮶一个钟食饭，要咁样等法，又唔系话好好食同合理份量，真系冇可能再去。
希望店主有心做嘅话，改善一下以上方面，第一步请多个伙计先啦。
张贴