船長 泰國船麵工房 (已結業)

有時候我的Lunchtime會因為自己忘記吃而變成Tea Time，這間泰國餐廳幾乎成為Teatime首選。招牌船長船麵　$48這裡的船麵份量剛剛好，不算太大碗，下午茶時段吃能夠撐到晚餐，湯底用了豬骨熬，顏色都比較深，入口會感受到香料和豬骨湯的濃味，小小的一碗裡面有秘製蝴蝶腩、豬肉、豬肉丸及豬潤，材料費場豐富，特別是我這些不太吃澱粉質的人，食材多更好！當中特別推薦蝴蝶腩，事前醃得入味，放湯後依然突出，雖然有一兩刻覺得它有點不泰國，但整體是好吃的！

知道呢間就嚟要告別，希望臨別前試一試。今日試咗三樣嘢 ……曼谷街頭炸雞翼香脆可口熱辣辣，我問友人，你覺唔覺得呢種味道好熟悉。我再諗咗一諗，係似M記嘅味道，不過我相信係唔使擔心雞肉來源地嘅健康版，雖然有啲熱氣，但一隻又一隻我都停唔到口。雞湯麵，少甜，微辛，我叫咗金邊粉，吸左啲湯汁，幾好味。魚蛋好味，彈牙，兩款（白灼&炸）一齊上，係很好嘅配搭，白灼食到佢原來嘅魚味，另外又食到炸嘅風味，而且炸出嚟唔會好多油，其實嚴格來講我覺得唔算係炸，或者係半煎炸。

船長將會喺7月18日最後營業啦，大家記得記得要喺呢日之前去食多啲呀！觀塘工廈有咁多美食，今日去左一間黃到金嘅泰船麵舖，呢間店嘅老闆喺泰國跟師傅學船麵，絕對係正宗泰國味道！招牌船長船麵($48)泰國嘅船麵係細細碗，我記得以前去泰國一次要食兩碗。但呢度就切合返香港人嘅份量，一碗啱啱好。招牌船麵有秘製蝴蝶腩、瘦肉、豬潤、豬肉丸，足料又好味。麵可以揀泰國黃麵、金邊粉、米麵。香港好多船麵麵係得金邊粉同米粉揀，所以今次試左黃麵，麵有啲似淋身嘅拉麵，好特別。湯底濃郁，又唔會太鹹，飲埋都唔會口渴。青檸梳打(跟麵加$9)大熱天時飲冰凍嘅青檸梳打唔洗我講都知有幾正啦～呢間店好味又抵食，知道佢就快唔做真係好唔捨得，老闆話店雖然唔做，但抗爭會繼續。原材料加價、加租，船長將會喺7月18日之後頂手，新舖話唔識政治，到時老闆唔同左，廚師又唔同左，味道、價錢都可能唔同㗎，大家要把握時間會試啦！

觀塘作為香港人其中一個最多人上班,同時又是夏天最討厭的地鐵站,原來有超多的大廈隱藏各種的美食和小店。今次得知船長即將告別,聞說味道不錯有水準,所以就遠來觀塘品嚐。下午一點多來到,前面有大約十人等候,等了大約20分鐘才能入內,幸好我只是一人前往,如果兩人以上,隨時要等1小時呢~離開時等候的人更多,實在厲害~招牌船河 金邊粉  48元 +5元油菜 (週六日無午餐)  4/5分1. 湯底跟泰國明顯有不同,但又說不出其分別,就是多了一種少辣味,可以接受2. 金邊粉要讚,煮得剛好;其他料不必多說,都是這樣3. 份量略少,大約7成飽肚,可能再叫小食或去其他黃店吧~4. 加了油菜會健康一些,建議呢~7月18日就跟香港人說再見,有機會再見,謝謝您對香港人的支持~

真係好傷心, 呢間泰式餐廳我差不多每個星期都會去食, 但最近得知佢將會做到7月中就結業, 真係好可惜... 😭😭老實之前就算係午市都真係少咗好多人, 我都暗暗擔心咗好耐.. 呢間真心好食, 價錢又OK, 而家要等到老闆係FB講咗會結業之後啲人而家先黎大排長龍真係.. 唉.. 😔😔佢地既船麵湯底真係好好味, 真係好有泰國風味, 我最中意食船麵雞, 雞脾好大隻煮得好淋, 雞翼都好入味, 船麵我會配金邊粉, 佢既麵都係泰國入口, 麵質好配上湯底更match!另外每次都必定會叫既街頭炸雞翼, 佢既雞翼開單邊沾炸粉&芝麻去炸炸得好香口又脆, 佢地結業之後我真係唔知可以去邊度再搵到咁好食既炸雞翼.. 😭😭重有佢既養生青檸香茅茶, 真係落足料去煲. 唉.. 呢間店除咗美味既食物之外重有親切既店員&人情味.. 每次諗到得返一個月唔夠既日子真係好心傷...

船麵有三款主菜可以簡：牛，豬，雞🙆🏼‍♀️ 想乜都試啲就可以嗌珍寶👅 麵底有得簡泰國黃麵，金邊粉同米粉！！另外仲有撈麵同飯～ 驚唔夠飽可以嗌埋小食😆.船麵牛w金邊粉 $49牛魔王既我就梗係簡牛🤭一黎到就見到個湯底呈深褐色，就知佢幾濃味啦😍同埋聞落都好香～飲第一啖就覺得同平時飲落果啲唔一樣，一飲就覺得真材實料🤤同埋唔多油🙈終於知點解湯底唔係比得好多👅同埋我簡佐金邊粉索埋啲湯汁好正呀🤤好快就食晒成碗！！牛既配料係牛丸同肥牛～牛丸係幾彈牙不過肥牛就肥佐少少🙈.船麵雞w泰國黃麵 $49一上既時候比隻雞脾嚇親😂超有份量啖啖肉～同埋雞都係好似有滷過吸晒啲味😆用佐泰國黃麵彈牙爽口，好似蛋麵咁但又唔會好簡😍同埋好吸味～加埋啲配料一齊食真係好鬼正🤤.總結，依間野裝修搵佐插畫家畫佐泰式船麵既壁畫🙈望真啲其實好有心機！！舖頭偏簡約為主但勝在真材實料抵食🤤個湯底真係好好飲😍不過份量係細佐少少，男仔可能真係要再加小食🙈～個人覺得配牛果個湯底更加濃味😆不過雞既配料就正啲，睇你鐘意邊樣👅（炸雞翼好似都好正🥺）

很欣賞這家小店船麵的湯底, 傳統船麵的湯底用豬牛血製成, 味道夠濃烈但喝完之後腸胃容易不適, 這裡用上豬红, 能維持原本的味道之餘, 腸胃感覺較為舒服, 再加上用上大量豬骨淆製, 沒有令人頭痛的味精味之餘, 也令帶出其湯底的鮮甜. 幼身泰式黃麵口感實在, 長時浸湯也不會糊化, 掛湯能力不俗, 是我喜歡的類型. 配菜不再是以牛肉為主調, 以蝴蝶腩, 豬肉及豬膶配合豬紅的湯底, 味道互相補足, 略嫌豬肉有點瘦, 口感偏乾. 魚蛋和牛丸十宇形的切法令湯汁能滲入其中, 更為入味的做法是這店的小心思. 至於雞肶和雞翼口感軟糯而且入味, 做得不錯之餘, 也令這船麵更令人飽足.

#肥doi遊觀塘.講咗好耐想食，終於可以趁星期六放假晏晝去食，因為佢哋只係開星期一至六嘅12點至夜晚7點，唔係成日有機會去食。-《招牌船長船麵🐖》$48配料有蝴蝶腩、瘦肉、豬肉丸、豬潤蝴蝶腩有驚喜，好淋好入味，豬肉丸好爽口，小小似貢丸！金邊粉口感煙煙韌韌，份量比黃麵多，食極都好似仲有咁！至於個湯底，食得出有泰國嘅香料同埋豬骨味，不過味道就唔算太濃郁。.《船麵雞🐓》$49配料有一隻雞鎚同一隻雞中翼雞鎚好淋，用叉一吉就散，雞翼冇乜特別，都幾滑。我哋選擇咗黃麵，麵質似幼拉麵，份量比較小，男仔食一定唔會夠飽。.《曼谷街頭炸雞翼》$24單骨雞翼黎，炸得都幾脆，但又未至於有金拱門脆香雞翼咁脆，雞翼入面鎖左肉汁，食落去唔會太油，不過雞翼本身冇乜味，一定要點泰式辣醬。.《青檸加梳打水》$9 (跟麵) 好岩夏天消暑飲，飲落成個人好gur~~-👅味道：7/10🍱賣相：7/10 .🏠環境：8/10鋪頭入面周圍都幾多文宣，座位算闊落，感覺幾開揚唔會撞到前後左右嘅人。.⭐️總評分：7.5/10雖然佢既船麵唔似係泰國食嘅味道，不過船麵嘅配料都幾新鮮，男仔嘅話一個就應該唔夠食，但係女仔嘅話一個就啱啱好，船麵入面都幾多

香港人不嬲鐘意泰國菜，不過船麵咁地道嘅泰國食物，竟然係呢幾年先hit。今次嚟到觀塘「船長」呢間主打泰國船麵嘅餐廳，裝修黃，內在都好黃，有唔少文宣～但座位分隔有些少奇怪，中間好多空位，但四邊枱與枱之間就幾逼，唔太明白點解咁分配🤔.泰國招牌船麵 $58 跟餐包野飲及兩件春卷湯底濃郁，好香豬紅及泰國香料味，甜甜地飲唔住一啖接一啖飲～配料方面，蝴蝶腩都幾爽口入味，但唔算好特別；豬肉略嫌太乾，豬肉丸唔錯，但都係坊間會食到嘅質素；反而豬潤夠腍夠滑，冇異味，同湯底好夾，幾有驚喜。想食特色野，就必定要揀泰國黃麵，好有蛋香，質地有啲似港式幼麵（不過冇鹼水味）女仔嚟講食完唔夠飽，講緊食埋跟餐嗰兩件春卷🥺 而隔離西裝友嗌嘅炸雞翼望落太好味，於是就加單了🙋🏽‍♀️ .曼谷街頭炸雞翼 $24單骨雞翼炸得好香脆，雞肉嫰滑juicy，又唔會好油膩，熱辣辣好好味～ 同朋友極速消滅了.總括嚟講，lunch份量都算幾唔足夠，可能嗌金邊粉會飽肚啲～男仔嘅話，可能要加底，或者嗌多個小食先夠飽🤔

觀塘工廈搵食黎到成業工業大廈，呢度比較小黎，但原來亦有不小黃既食店同小店，可以食完嘢再逛下。呢間船麵細小，大約可以坐10枱客左右，有隔板同坐位都鬆動。招牌船長船麵：餸有蝴蝶腩、豬肉丸同豬潤，麵我揀咗金邊粉，頭底到泰國既好接近，散發淡淡泰國香料味，味道濃郁，金邊粉吸哂啲湯，好入味清邁咖喱肥牛麵：麵底揀咗黃麵，咖喱唔係太辣，易入口，不過肥牛就有啲肥啦！隨麵附送咖喱角兩件曼谷街頭炸雞翼：即炸雞翼香脆可口青檸梳打水：青檸要唧入個梳打水入面，鐘意既可以成粒放入樽入面要黎食就要早啲黎，當日差不多四點，所有麵已經賣哂，同埋船麵既湯底亦都沽清。

本身都好喜歡食船面，因為在泰國食過幾碗非常好味嘅船面，一直念念不忘好想響香港試返，但試過好幾間都失望而回，但呢間船長雖然都冇泰國咁好食，但還是很出色的。今日中午去，兩個人叫了一碗招牌船長船面，同牛肉船面。一個係配了黃面，一個配了金邊粉，兩樣都很好味，黃面非常有蛋味，但我比較喜歡金邊粉，因為和船面嘅湯非常夾，非常入味。因為我很喜歡喝面湯，如果可以多啲湯就更完美。之後還叫了兩款小食，兩味炸魚旦和炸鷄翼，兩樣都非常好味，魚旦好彈牙！除了食物好好食之外，地方也很清潔，而且服務質素也很好，最重要係：黃店😉

平日兩點幾黎食，以為應該唔多人，點知都八𢦓滿，好彩啲位好疏，唔會坐到好迫，係呢時候出街食飯，距離真係好重要，我一個人食，但搭枱都係四人枱打斜坐，唔駛坐到咁迫。講返食物，叫左個船面午餐，有泰式奶茶同迷你春卷，船面個湯底好正，好濃，忍唔住爭啲飲哂啲湯，啲料都好入味，唯一係份量較少，可能男士食會唔夠，我食過咁多間船面呢間算抵食又好味，一定會再黎。要200字先比評分咁鬼煩，講埋杯奶茶啦，我飲熱嘅，我覺得都好香，凍奶茶應該仲正，下次再試。

觀塘真係好多好野食, 呢間店基本上同同事差不多每星期都會去食, 不過lunch time多人成日都要排隊.佢地既船河剩係個湯底就已經知道係認真! 如果船麵要套餐會有野飲&雜菜春卷小食.如果點清邁咖哩系列係會有咖哩角小食, 咖哩角都好好味, 不過清邁咖哩系列對我黎講就辣咗啲啦!呢間店既蛋麵(黃麵), 金邊粉等食材都係泰國入口既. 跟餐加5蚊就有通菜, 個菜好似平平無奇咁, 但精要係放埋落個湯一齊食咁就梗好食.呢排我去就鍾意點期間限定既 特濃蕃茄冬陰霸, 冬陰湯底再加上蕃茄真係好正!! 😋泰文小教學時間! 平時冬陰公既公就係蝦咁解, 霸即係魚, 呢個冬陰霸就係以泰式魚蛋,魚片等材料為主.另外推介佢既曼谷街頭炸雞翼, 佢係單邊雞翼加上炸粉&芝麻, 真係好香口!! 👍🏻特式野飲呢就有泰式奶茶, 青檸梳打水, 同埋我最鍾意既養生青檸香茅茶(我飲咗兩啖先記得影相).暫時來講呢一間係我lunch好鍾意去食嘅店, 整體上都好滿意, 但如果佢麵嘅份量可以多少少就更好啦！😆

li間店都幾出名 但星期日唔開 終於搵左日星期六出開觀塘時去試下店面都易搵 入到去位都唔少 隨意坐低 問左勁耐先有店員肯拎menu俾我🌚 睇完menu想落單又無人理我🌚 lunch hour係忙 但都唔好同個客講完轉頭先 但轉頭就唔記得左🌚 麻煩店家 再教育一下你個個員工⋯見到openrice都幾多人推介 所以有加9蚊叫左li個「青檸香茅茶」幾好飲 我唔太好甜野 覺得甜左少少 但可接受 拮爛d青檸就平衡到野飲最快到 但個麵都等左幾耐 第一次來食 試「招牌船長船麵」本身做功課時 見到d人話量少都有諗過叫「珍寶船長」但我又驚唔岩我食 都係叫返普通份量既招牌麵算碗麵既份量真係少得可憐 個麵底食左4、5啖就食完 食完好似無食過咁⋯難怪我遲我少少入座 坐我對面個女仔會叫加底⋯完全係下午茶係咁易食d野既份量麵底我係食金邊粉 等左咁耐 但個麵底好似煮定擺低 有人點時再淋湯上去咁⋯成餅野痴埋一舊 要哂時間整返散來食⋯麵底咁基本都整到咁 完全唔知想點😑配料方面 蝴蝶腩 豬潤 豬肉丸都普普通通 可接受 但個瘦肉真係un到咩咁 勁「鞋」瘦肉雖然瘦 但都可以俾d心機煮得好好食 易入口 請認真改善下至於個湯底

呢間船麵平日好早收舖 想試都搵唔到時間呢日咁啱星期六中午黎到觀塘 就入黎試一試！第一次試返船長船麵 轉左我鍾意食嘅金邊粉黎到比想像中細碗 好彩我唔算肚餓～但一飲d湯 真係不得了好濃味 又有d辣 好開胃 啱哂重口味嘅我！到最後我差唔多飲哂金邊粉亦都好彈牙！另一樣好驚喜嘅係配料有埋蝴蝶腩香港得好少地方有得食蝴蝶腩！豬肉丸都好好食 好滿足😋😋今次得我自己食 試唔到佢d小食但見到隔離枱叫左雞翼 份量好多 好吸引🤩希望遲d好生意嘅話 老闆可以考慮星期五六開埋晚市 等多d人去懲罰佢！