極尚大喜屋 (加連威老道) (已結業)

今次选择中午时段过嚟食放题,提前一日打电话预约以防嚟到会冇位.当日中午12点嚟到,店铺唔算太多人,未至于爆满程度,中午除咗放题之外都可以系正常点餐嘅,而中午放题嘅用餐时间系12点至3点,其中2点半就会停止收单,但饮品同雪糕就唔受限制,中午同晚上嘅食物选择冇咩太大唔错,晚上就会多咗酒精饮品选择.落单方面系写纸仔嘅,今次都有留意到上餐嘅速度都OK,亦都冇出现漏单问题,不过可能都系因为中午时间人唔算太多,所以呢种情况唔会点出现,晚上就可能有D唔同.至于食物选择方面都几多下,每样份量都唔会太多,所以点嘅时间自行斟酌,毕竟系放题所以都唔好太浪费食物.刺身都几厚切,食材都几新鲜,寿司品种都几多,寿司嘅饭唔多,所以唔惊会食饭食饱,但个人觉得雪糕方面嘅选择比较少,虽然每人都会有一杯Haagen-Dazs,但雪糕只有3种选择相对比较可惜.但整体嚟讲性价比都唔错,同埋中午时段相对冇晚上食得甘赶.