糖品 (已結業)

话说寻日食饱饭想食甜品，就揸车落去，去到见到门口已有人等紧，去拎张飞，有个肥肥地嘅女仕提示我哋前边有六个，同四个等紧，先会俾咗六位先，轮住排！所以可以能要等好耐，如果可以嘅话留电话，我哋决定企喺门口等！前面两张枱已经入坐，满心欢喜好快到我哋！点知有两位女仔拎飞，见肥肥地𠮶个女人同佢窃窃细言，有人埋单，个肥女仕就叫咗𠮶两位女仔入座， 就同我地讲下张有人走先至拍张枱俾我哋，即刻好嬲，下一张？明明系我地先，明明你口口声声话轮住排，之前话一定系比咗第一个六位客人先，点解到我地又唔系咁？ ？ ？如果一直都系二人枱埋单，咁我地咪永远都唔洗旨意有位？咁做生意，一定冇下次！