麻布茶房 (已結業)

成日同老公拍拖出街食饭，每次拣食乜好都几头痛，经过佢地门口见到D食物几吸引，价钱OK，同埋有朋友讲过话D食物都OK，咁就入去试下喇~老公叫左咖哩牛肉蛋包饭，因为我比较钟意食锅物所以就拣左牛肉火锅。果个所谓蛋包饭只系将块蛋皮铺系D饭面...d咖哩同牛肉都好一般...六十几蚊真系俾多佢，而我果个锅就只得4~5块牛肉+少少蔬菜(系非常咁少,超级唔抵食)...如果肚饿去食一定唔够饱(因为连一条乌冬都无>_<)，仲有加$5 果个芝麻酱同唔知咩酱呢...绝对不值得花5蚊去试，我只系每种味点过下试味就放左系度喇....佢地做野真系好快手~除左添茶添得密值得一赞之外，佢地收野仲好快手，老公一放低只匙佢就走黎问你仲要唔要，驶唔驶咁快手呀...好明显人地仲食紧!~好似赶客咁...之后叫左埋单，好快又有人黎执野，其实等人地走左先执都得姐...食日本野咁多一碟二碟，佢仲要执晒成张台d野为止(果时只系得几张台无爆场)，唔系话佢做野快唔好...只系觉得佢唔识做...阻住人地倾偈...我地都走啦...找钱果阵都好快手~一拎起d纸币佢就移动个盘，咁既services唔系谂住人地要俾9蚊tips你嘛..