船皇 (謝斐道) (已結業)

最近香港多咗一股泰国势力，风头甚至盖过台湾过江龙。继上次ChaTraMue，今次我同朋友去咗位于铜锣湾嘅船皇。橙色嘅墙身挂上一排船夫帽，一切呈现正宗泰国风味，令我恍如置身泰国小店。我自己超钟意船皇嘅泰式奶茶，甚至觉得好饮过ChaTraMue。（纯过人感受，不喜勿插）一来用碗饮，二来无冰，而且茶味特别醇香，逐层散发出嚟，甜度亦适中。我同朋友不约而同叫咗船皇汤面，唔同嘅系我叫咗蛋面，而朋友叫左河粉。餐厅仲有两种面底选择，包括金边粉同米粉。船皇采用嘅河粉比香港一般河粉更粗阔，口感照旧爽滑。至于蛋面口感同碱水面大同小异，不过蛋味更香，同时更易咀嚼。至于汤方面，颜色非常浓，香而不太辣，绝对可以饮埋个汤底。从下图可以见到材料非常丰富，有牛腩、肥牛、鸡丝、鸡翼、猪肉、肉丸、猪润同炸猪皮。其中炸猪皮最我印象深刻，外皮酥脆无猪既腥味。卤水鸡翼非常入味，其他配料亦不错。另外我哋亦叫咗两款泰式串烧。泰式牛肉丸子虽然比较细粒，但非常弹牙，牛味出色。沙嗲鸡肉非常惹味，而且肉质嫩滑。食完串烧同船面都唔够喉，最后叫埋泰式炸春卷。足料之外，皮亦香脆。呢间泰国过江龙绝对名副其实，我已经爱上左餐厅嘅泰式奶茶同炸猪皮相信餐