三希樓 (已結業)

三希楼除咗川菜同火锅做得出色外，佢个点心都做得好好，今次介绍吓佢个午市饮茶。无谂过川菜餐厅可以整到咁好味嘅叉烧，好彩嘅话有机会食到一件分开三粒，有晒肥、膏同瘦肉嘅叉烧。无咁好彩嘅都唔会失望嘅，因为佢全碟无论肥定瘦，都好好味。肉质软但仲有咬口，唔会系软晒豪无质感可言，或死硬果种。佢烧得好好味，猪肉甜香多汁味浓。牛肉肠同鲍汁鸡脚都好好味。作为常客呢，有好多今次无叫嘅菜/点心/饮品都好推介嘅，例如黄金南瓜、卤水猪大肠、麻辣卤味拼盘、洛神花茶；如果够人多呢，一定要叫佢个原桶桂花糖豆腐花，超滑而且豆味好浓好香㗎。但由于原桶上，起码4个人先食得晒。