荃灣鍋貼大王 (已結業)

依间锅贴话八点关，但七点去已洗梗嘢，试过买返去食已硬哂。以为早收会早开，当佢早餐店今次一早去，但原来九点半先开，刚刚开舖，一次过买几样返去，睇吓质素会唔会好啲。榨菜肉丝鸡翼面，有几种面，唔特别讲就俾上海面，粗切榨菜几多，肉丝都见到，估唔到仲搭生菜，成碗面不过不失。炸鸡翼另上，两只偏细，但皮薄微脆，肉质滑，仲带少许油，算唔错。炸猪扒，单点一嚟要两件，本来见多人叫都有啲期望，可惜皮唔脆，肉充满加工味。炸韮菜饺，外表好似炸到好硬，但咬落又唔会，皮炸得透，脆感刚好，入面有韮菜同肉香，无入到油，比预期好。生煎锅贴，今次果然唔硬，皮微软，厚薄适中，每一口都咬到肉。但食完上面炸饺后感觉比下了，当然炸饺就贵啲。红油抄手，当你以为佢啲饺全部好食，就错啦！饺本身无问题，但点解有肉松？可能地方问题，但肉松同蒜一齐嘅味道真系好奇怪！成本系高咗，售价都多咗，但两样加起一齐就算浸汤都救唔返，完全浪费。整体质素差都几大，面要饱肚无问题，质素较好有炸鸡翼、炸韮菜饺同生煎锅贴，但都唔到觉好食，堂食可能好啲，但过度唔适合慢慢食，难怪个个都走去食八方。