善茶 (已結業)

开业咁耐一直都被善茶特别嘅装修所吸引，好可惜转工之后少左机会去尖东，迟迟都未有机会尝试~ 前几日趁圣诞去开尖东睇灯饰，即刻拉埋男朋友去帮衬，两个人可以试多啲口味丫嘛！离远未过马路已经见到善茶客人一个接一个，仲见到好多后生潮人慕名而来帮趁，讲真店铺开喺尖东一条唔太起眼嘅巷仔，咁好生意真系口碑同实力👏👏店入面有好多唔同种类嘅饮品选择，就连珍珠奶茶都有好多款拣😍 最特别嘅系茶叶可以拣铁观音、寿眉呢啲中国茶，啱哂啲大路得黎又想试新野嘅朋友！如果唔特别欢喜珍珠奶茶嘅又可以拣其他本地饮品，姜蜜薏米水，咸柠檬梳打... 简直系将本地茶餐厅饮品手摇化👍👍 俾钱嘅时候，店员姐姐好开心咁话我知原来今日有位有心人早前放低左钱请大家饮野，所以我地嘅柯打系免费赠饮！哇真系冇谂过圣诞买杯奶茶都会收到圣诞礼物😍😍 原来呢度每买杯饮品，都会得到一蚊代币，你可以亲手将呢个代币去门口嘅捐款箱，店主每个月都会将款项捐赠俾有需要嘅团体... 呢个idea 真系好有心思，值得一赞😍😍一边饮饮品一边同男朋友喺咁有本地特色嘅门面打卡... 原来个杯身都系本地茶餐厅嘅插画，超靓！仲要有防漏杯盖... 处处都感受到店家嘅细心！最后有选