Baker by Lubuds

营业中

休息中

不嬲都几钟意食呢间嘅蛋挞，但奈何对我嚟讲真系太远，搭车都要成个几钟🥲今日咁啱喺附近做嘢，特登过嚟睇吓有冇蛋挞🤣本身见冇人排队都以为蛋挞冇，谂住买个牛角包就算，竟然买完蛋挞都出炉，真系好彩🥰蛋挞今次又系买咗六只，热辣辣然后蛋挞皮好酥脆，但香味很浓，依然都系好好食🤤🤤🤤另外仲拣咗个牛角包系俾佢嘅外貌吸引咗，佢系焦糖牛角包，仲沈咗金粉喺焦糖饼上面，好吸引，打卡一流！💖牛角包入面有朱古力同埋焦糖酱，焦糖酱感觉有啲似拖肥，不过我觉得甜咗啲，成个牛角包嘅味道比较复杂，因为佢牛角包出面都有朱古力嘅脆皮，所以整体就比较甜，个人比较钟意食甜，所以都觉得呢个包都几好食，但系我谂普遍香港人应该觉得呢个牛角包太过甜。