Hygge (已結業)

之前睇到Facebook 新x期推介呢间西餐，因为有得玩氢气球🎈甜品！即刻去睇下 有咩好食！首先黎左餐包，餐包就一般法包切片但有reheat嘅！ 但个牛油有少少特别，食落几香，有少少香草味！蓝鳍吞拿鱼他他•红菜头•蟹肉牛油果🥑沙律呢个沙律重点系个红莓汁同红菜头、吞拿鱼他他个味好夹。最高个层系吞拿鱼；尾二个层系红菜头唔好搞错！吞拿鱼他他同下面层牛油鱼要夹埋一齐食，食落无咁斋！油浸鸭脾意大利饭估唔到西餐都有鸭脾食！仲要大大只好似鸡脾咁。另外，虽然话油浸鸭脾，但都唔太油。见返饭嘅份量都唔少，又有唔少杂菇，食完好饱肚！呢个马赛鱼汤海鲜锅 DIY意粉海鲜锅入面有旧鱼肉。虽然唔太大，但食埋意粉岩岩好！海鲜汤味比较浓，食完鱼再放意粉落去，个汁唔算太挂汤，但咁样先岩岩好。如果挂汤会好浓味！另外我地都有点到甜品店员仲邀请我地食佢地新推出嘅氢气球甜品，味道唔太特别，但就好过瘾。