麻辣媽媽 (已搬遷) 新店位置

对于所有辣野我都好有兴趣!!!!朋友介绍到, 当然一定奉陪, 于是约左成村人(9个)去踩场~因为自己迟到关系, 有几尾送有食过不过唔知叫咩名~以下几款是自己order的:川北凉粉 – 最大期望亦系最失望既, 凉粉本身无味道…精髓应该系捞汁, 但系又淡味又唔够辣~唔知自己食紧乜~水煮鱼 – 因为有个煲滚下滚下, d辣味比较出~算好食~不过本身条鱼又唔系好新鲜, 一般~麻辣生蚝煲 – 其实麻辣汁都系唔够辣唔够麻, 不过又系因为滚滚下既状态~ 所以辣味出一点~生蚝真系不值一提, 好腥!!!!青柠树 – 酸酸地甜甜地好醒胃, 好饮得黎又解辣~正!!!!麻辣田鸡煲 – 基本上同麻辣生蚝煲既味道系一样, 但田鸡比较新鲜, 几好~麻辣猪手薯粉 – 真系好差, 又系衰唔辣唔麻~无味, 所以将麻辣煲既汁捞埋一齐食,先可以入口…好明显.猪手系另外炆完再放上去, 唔match….薯粉仲要唔好食………炮椒鸡脚 – 最后order谂住比多次机会佢, 但系真系无办法~好敷衍!!!!!!!!!完全唔辣, 想点??????我好怀疑麻辣妈妈到底系咪食四川野, 定系辣椒有问题~应该改名叫唔辣唔麻啦…..o徒晒青柠树既作用