友拉麵

营业中

休息中

之前成日嚟荃湾，睇住佢开张，但一次都无食过。反而而家少左嚟荃湾，见佢依然喺度，而且赞评唔少，所以决定试一试。葱山拉面 $83 葱花真系好多，每一啖都有葱香，而且久久不散，到瞓教口腔里都仍然有葱味😂🤣汤底比较清淡，唔会好咸，但又无乜猪骨或鱼介味🤔；质地比较薄身，系一款比传统健康嘅拉面，对肾脏唔会有太大负担。我拣左硬直面，面条比较幼身，类似出前一丁拉面嘅粗幼度。火炙豚肉有两大片，肥瘦一齐食好有猪香。每碗都跟一粒好大只嘅溏心蛋，蛋黄凝固同流心比较大概系3:7，流心嘅视觉效果好正🙊，加上好有蛋香，蛋白质地滑溜，系一只令人想再Encore嘅蛋!😏樱花拉面 $88硬曲面比直面粗少少，更有咬口，个人比较中意呢款面多D。汤底本身虾味唔算浓，所以好靠樱花虾提升虾香；整体比葱山个汤底浓味少少、咸少少，但又唔会咸到令人口渴，亦唔油腻。炸牛肉薯饼 $28/两件虽然系入货产品，但志在满足自己对炸物嘅欲望。蜜糖芝麻鸡翼 $36/三只鸡翼偏细只，不过皮脆肉滑；蜜糖点到即止，所以唔会太甜，不过我自己比较中意食传统咸味手羽多D。整体食物唔差，拉面大大碗、好足料，难怪星期六晚7点都Keep住有人嚟食。