十二味不只是烤魚 (已結業)

最最最钟意食辣嘅我同宝宝又出动喇，今次就去食烤鱼。之前喺大陆食过间好出名嘅，而香港lee 间十二味烤鱼都无令我地失望，真系好好食，仲加左d 香港特色。铺头好似开左唔系好耐，虽然唔系对正大街。但天后站出，行几分钟，转个湾就到。装修好新，唔错，位都舒服。不过一入去最大嘅惊喜就系扑鼻而来嘅辣香味，一嗅就知到佢个味道好正宗，就好似大陆食到果种又香又浓嘅辣味，食完后证实我推测无错。招牌菜烤鱼加入左香港特色，你可以自选唔同种类嘅鱼同汤底，最少要配搭三款配料，当然你食到几多，佢都欢迎你嗌多d，但其实份量都唔少，我同宝宝两个人再叫多左三串羊肉串已经好饱好满足...主角系清江鱼，因为见佢有手指公先嗌，虽然无写少骨，但其实都唔多骨，啖啖肉，又大条，基本上两个人都要好努力先食得晒。我地拣左招牌香辣嘅中辣汤底，条鱼吸晒d 汤之后，好好味，连我唔食鱼嘅都食左接近半条。主角固然好食，但配角其实仲吸引我，黄金组合拼盘有齐豆皮/豆芽/金菇/嫩豆腐，全部都系劲吸汤嘅野，再加埋晶莹剔透嘅宽粉，真系好幸福，爽口嘅，烟韧嘅，咩口感都齐晒，吸左香辣汤嘅味，真系食到停唔到口。个豆腐要再特别一赞，好滑好滑好滑，因为真系好重要所以我