拉麵天王 (已結業)

支装汽水 $10另有冰冻柠檬水十分解渴。白王 $72朋友选了白王，汤底系用鲜猪骨熬制十小时，味道浓郁，充满骨胶原，同一般博多猪骨汤底唔同嘅系加左秘制酱油，味道更加丰富，而且几特别。限定王 $92我食嘅系今日嘅限定王— 胡椒芝士面。洒上左好多芝士碎，半溶嘅状态夹住面一齐食真系好满足。汤底嘅胡椒味好香，调味刚好唔会呛喉，胡椒味令香浓嘅猪骨酱油滑更美味。面质幼滑。不得不提系叉烧半肥瘦，肉质嫩滑，大大块仲有三块咁多，份量很足！烤饺子 $30朋友喜欢饺子，皮薄又脆，馅料好味。豚角煮 $25通常系厚切切件炆嘅猪腩肉，这家比较薄切，脂肪同肉嘅比例刚好，肉有点咬肉，特别之处系用了火烧增添香味。整体质素同其他出名要排队嘅拉面店不相伯仲。