霸嗎拉麵 (金巴利道) (裝修中)

香港真系好多拉面店，男友非常钟意但我就麻麻地好拉面，变相要坚好味我先会觉得ok话说星期五晚经过见到呢间无咩人又见openrice介绍过，甘我地就星期六晚走去试，点知见人龙梗系即闪，排队的人大部份望落去似系游客，我地10点几再返去见无人排队就等下先讲环境，我地个位冷气唔够，枱与枱之间系香港地特式的近，但叫做坐得舒服，今次我地净系叫左两碗拉面，一辣一唔辣紫菜够慷慨，大块硬身的，可以唔洗另加12蚊要多3块，软面都软但我钟意再幼身dd，碗里只有一块豚肉，唔薄，肥淋淋但够腍身，蛋可能我唔系即食，食个阵蛋黄已经有点熟，最重要的汤就咸左d男友叫左辛辣炙烧豚肉拉面但唔知点解多左粒蛋，豚肉都系一块，唔薄兼同样腍身但明显无我个块甘肥，而个小辣汤，够浓够辣，一匙劲开胃，两匙三匙就会辣好多，如果大汗朋友又唔够冷气会食到好辛苦如果要我排队就唔会去食，一来肉同面的份量唔多，二来尖咀太多选择，三来心中top1拉面店都唔洗排队甘当然我净系以碗拉面的表现来讲，皆因今次无试过佢的小食