新香園 (堅記)

营业中

休息中

其实呢间嘢都嚟咗食好多年入得黎都唔好指望有啲乜嘢服务态度，想食啲乜嘢擘大喉咙嗌就得㗎啦😆嚟到呢度食就一定系食蛋牛治，即叫即整就梗㗎啦，最重要系佢个蛋同埋牛肉完美混合之余，外面仲要煎到有少少脆边，配搭埋烘底嘅多士口感方便就简直系相辅相成。但系点解今次食嘅时候一啖咬落去之后有啲莫名嘅虚空感觉？到底𠮶少少失落感系喺边度出嚟㗎呢？终于我发现咗个原因我又未至于会话佢偷工减料，可能真系成本上涨关系，蛋牛治入边嘅蛋牛好似一块圆形嘅猪柳咁样，令到烘底多士嘅尽头有着无尽嘅空虚，就连中间应该逼到胀卜卜嘅正中心都已经变成得返薄薄嘅馅料。而杯奶茶又好奇怪，之前嚟饮都觉得印象系好好，今次呢饮落都非常提神，但系今次饮落唔知点解硬系觉得啲茶味收收埋埋唔够出，原因未明。总结来讲，比我一直以来食开好似退步咗唔少，不过作为一间老字号嘅舖头，我谂我都仲会俾多次机会佢再试吓，希望下次会好啲啦。