金田日式放題 (已結業)

第一次写食评…因为觉得宜间就系好唔抵食，好伏既感觉琴日一行十人去左金田食。由于一早book左位，所以有大房坐，环境几好。自问我唔系一个对食物好高要求既人，但果到啲野食真系唔太掂。首先食物种类偏少，我地一坐低谂住叫野食，望住啲点菜纸，以为我地张台少咁几张，特登过隔离台睇下，点知真系得禁少野食＝＝好失望。不过算啦我地照点菜，但佢好多野食都真系唔黎。你话平时食两个钟既放题有时都系咁，可能整唔切。但我地今晚系特登拣左食4个钟（＄228＋1），打算慢慢食，但佢啲野又唔黎，咁我真系唔知佢写落菜单到做咩。不如直接系个菜单都删左去，因为佢有啲食物都系咁做。羊鞍、牛柳粒、牛肉全部都劲“鞋“又“un“，好难食，每人食完一旧之后都唔想再食……刺身都叫可以接受，系成晚嗌得最多既食物。寿司都ok，但就唔肯黎手卷。炸物啲粉多又冇咩味。啲锅、炒饭、蒸蛋就last order先肯黎。唯一最好既我觉得就系服务态度，啲侍应都几nice。不过就真系冇下次，成台人埋单二千五食埋啲咁既野，只能说百几蚊既放题仲好味。