影片
更多
2021-07-25
216 浏览
一行4人咖喱叶食晚饭，几日前已经透过OpenRice订座，有订坐优惠，食满$500送一支餐酒。准时到达餐厅，餐厅比较细，灯光昏暗，环境几企理，大约有4-5 张枱。餐厅里面多数都系外籍嘅侍应，得一个讲广东话嘅香港人，系一个叔叔嚟嘅，可能系老细挂。咁因为佢识广东话，都系佢帮我哋落单，同埋介绍吓啲食物。餐厅嘅定价我觉得系属于中上价钱（以地区同规模来讲），一啲都唔平嘅，每样主食都系$100以上。送嘅胡椒饼，味道超咸，亦唔够脆，buffet果啲都好食过佢。以一间正宗嘅印度菜来讲就唔合格。待应叔叔推介嘅沙律，就系生嘅红萝卜青瓜同埋蕃茄，不过个汁系有少少特别，有啲咖喱味咁。我哋话钟意食辣，叔叔推介嘅最辣嘅鸡，以我来讲觉得系微辣，如果食开四川野可以食到小辣嘅都完全冇问题，唔会觉得佢好辣。雪藏鸡肉，每人有一粒仔咁大把。其实𠮶啲雪藏鸡肉$10都有一大件，比多两粒都唔怕啦。呢度成碟𩠌夹埋只有早餐嘅三份一件鸡扒左右，有几粒薯仔。呢一个牛油咖喱虾，真系超级揾笨，啲虾真系好似大海捞针一样，系雪藏，透明，好细粒，杨州炒饭果种虾仁，要嚟炒蛋我都嫌佢细，重点系：都系得五粒仔。但系呢碟野要$140。净系睇相系咪以为系一碗
准时到达餐厅，餐厅比较细，灯光昏暗，环境几企理，大约有4-5 张枱。
餐厅里面多数都系外籍嘅侍应，得一个讲广东话嘅香港人，系一个叔叔嚟嘅，可能系老细挂。
咁因为佢识广东话，都系佢帮我哋落单，同埋介绍吓啲食物。
餐厅嘅定价我觉得系属于中上价钱（以地区同规模来讲），一啲都唔平嘅，每样主食都系$100以上。
送嘅胡椒饼，味道超咸，亦唔够脆，buffet果啲都好食过佢。以一间正宗嘅印度菜来讲就唔合格。
待应叔叔推介嘅沙律，就系生嘅红萝卜青瓜同埋蕃茄，不过个汁系有少少特别，有啲咖喱味咁。
我哋话钟意食辣，叔叔推介嘅最辣嘅鸡，以我来讲觉得系微辣，如果食开四川野可以食到小辣嘅都完全冇问题，唔会觉得佢好辣。雪藏鸡肉，每人有一粒仔咁大把。其实𠮶啲雪藏鸡肉$10都有一大件，比多两粒都唔怕啦。呢度成碟𩠌夹埋只有早餐嘅三份一件鸡扒左右，有几粒薯仔。
呢一个牛油咖喱虾，真系超级揾笨，啲虾真系好似大海捞针一样，系雪藏，透明，好细粒，杨州炒饭果种虾仁，要嚟炒蛋我都嫌佢细，重点系：都系得五粒仔。但系呢碟野要$140。净系睇相系咪以为系一碗汤呢？
Tandoori Chicken 系咁多碟𩠌入面最多肉的了，名副其实咁样有四件鸡。鸡肉亦都做得好嫩滑，全晚最好食我觉得就系呢一个𩠌。
一个铁板鱼，佢推介嘅时候我以为系一条鱼，嚟到原来系有五件大约系麻雀咁大嘅鱼块，几干下，麻麻地。不过已经算系第2好嘅𩠌，起码食到有肉落肚。其余两个咖喱好似净系食汁咁。
Naan 叫咗两份，一份系蒜蓉味，一份原味，要来食咖喱汁，因为百几蚊一碟𩠌主要得汁，冇理由唔食㗎嘛。
呢度系冇免费嘅水供应， 20几蚊一支水。送咗一支餐酒，可以自己选红酒定白酒，超市几十蚊果啲啦，送嘅冇要求，而且佢真系有酒杯同埋有冰桶，算系咁。
虽然佢𠮶啲食物份量真系好少，但系佢味道其实又唔系差嘅，啲咖喱汁系几好味嘅。如果系钟意食汁捞饭𠮶啲人应该钟意。因为我自己其实唔钟意食咁多淀粉质，所以我应该唔会再嚟，如果净系食𩠌，我一个人食四碟咖喱都唔会饱。
除咗水，冇另叫嘢饮，因为唔想饮甜野，要留Quota食甜品，一个人$180左右，留肚行去附近大街少馆食甜品，可看下一篇食评。
张贴
