馬祖台灣養生湯麵館 (留仙街) (已結業)

香港既米线铺头真系好多，食惯左川x三x，今次就同friend试下台湾既养生米线味道如何。我地叫左醉鸡汤米线同饺子&丸子米线，前者系套餐，后者系选择面底然后可以加野（就同其他米线铺一样，自选米线），然后仲有两杯蜂蜜绿茶。醉鸡汤米线个汤底系有味OK既，米线一般般系平时食既质素，配料（云耳同香菜）都正常，但系鸡肉份量好少得几块，睇落好大碗其实多既只有米线。而自选米线口味同大排档差唔多，配料同饺子丸子不过不失，其实冇乜突出既地方。唯一唔同就系汤底有少少药膳味，但作为台湾菜好多野同香港人食既口味差唔多，咁样其实好多代替品。环境同服务唔错，墙上有壁画几好睇，侍应都友善。价钱抵，所以当普通米线铺咁食其实OK。