麥當勞

营业中

休息中

由于大姨妈早前嚟海洋公园做完义工之后，见到园内多咗好多游玩景点，兼且港铁嘅海洋公园站亦开通咗，所以大姨妈就特意约埋四姨妈、表姐、舅父同埋我们一齐去海洋公园玩！喺玩到下午嘅时候我们觉得有啲攰同肚饿，所以我们就喺海洋天地嘅「麦当劳」食过下午茶，兼休息吓！我们买咗猪柳蛋汉堡嘅包质比较干同硬实，而且系冻㗎，不过鸡蛋都算冻都勉强可以接受，但猪柳嘅味道就会比较膻！脆辣鸡腿包嘅包质都算软熟，但鸡腿外层嘅炸粉相当厚身，所以炸到过晒火，令到入面嘅肉质又干又硬，而且非常油腻！脆香鸡翼同麦乐鸡就不过不失！另外再买咗士多啤梨Double新地嘅士多啤梨果肉都算多，平日食开普通版嘅士多啤梨新地祇系食完顶层𠮶啲就无，但呢个Double版就算食完顶层，中间都仲可以再有，感觉会比较满足！