影片
更多
2010-11-13
19 浏览
7-11-2010星期日 dinner 又要自己搞掂, 朋友挨义气陪我食, 仲带路嚟到佢公司附近呢间佢话「几好食」的泰 / 越 / 星马 / 印尼食店 2 人叫了一人一饮品, 及 share 一碟菜, 一款肉, 半打 (拣了两款) 沙爹串烧及一份咖喱, 再加一份蒜蓉包送咖喱, 整体几满意, 仲食到超饱:-火龙果沙冰: 泰啤卖晒, 唯有饮 smoothie 吧, 而拣火龙果就纯粹觉得应该会无咁甜 饮落比预期中甜了少少, 不过其实甜度可以接受的, 质地细滑, 火龙果味清香突出, 几好饮 平日觉得火龙果较淡口, 火龙果打成的饮品都系第一次饮, 原来又不错㖞. 朋友饮龙眼冰, 试了少少亦觉得甜度刚好又够冻, 满意的.串烧沙爹牛/ 鸡: serve 时已闻到好香烧烤味 两款肉都腌得好入味, lemongrass 味香, 食落少少甜又软腍, 鸡肉就直程系嫩滑的 牛肉的牛味亦唔轻, 配上少少辣, 几甜又带椰味的沙爹酱, 正! 比最近喺尖东沙爹名店 (http://www.openrice.com/restaurant/commentdetail.htm?commentid
7-11-2010
星期日 dinner 又要自己搞掂, 朋友挨义气陪我食, 仲带路嚟到佢公司附近呢间佢话「几好食」的泰 / 越 / 星马 / 印尼食店 2 人叫了一人一饮品, 及 share 一碟菜, 一款肉, 半打 (拣了两款) 沙爹串烧及一份咖喱, 再加一份蒜蓉包送咖喱, 整体几满意, 仲食到超饱:-
火龙果沙冰: 泰啤卖晒, 唯有饮 smoothie 吧, 而拣火龙果就纯粹觉得应该会无咁甜 饮落比预期中甜了少少, 不过其实甜度可以接受的, 质地细滑, 火龙果味清香突出, 几好饮 平日觉得火龙果较淡口, 火龙果打成的饮品都系第一次饮, 原来又不错㖞.
朋友饮龙眼冰, 试了少少亦觉得甜度刚好又够冻, 满意的.
串烧沙爹牛/ 鸡: serve 时已闻到好香烧烤味 两款肉都腌得好入味, lemongrass 味香, 食落少少甜又软腍, 鸡肉就直程系嫩滑的 牛肉的牛味亦唔轻, 配上少少辣, 几甜又带椰味的沙爹酱, 正! 比最近喺尖东沙爹名店 (http://www.openrice.com/restaurant/commentdetail.htm?commentid=2114577) 的, 呢度个沙爹汁无咁香浓, 但呢度 d 肉比𠮶边仲好食, 值得试试.
炭烧猪颈肉: 薄切得很, 食落干身香口, 质地亦爽身, 不过我觉得有点干得滞; 中间的酱汁就无试了, 唔知咩嚟?
蒜蓉炒贵妃苗: 本身劲钟意食炒贵妃苗, 所以某程度上系为了呢碟菜而来 呢度的炒得热辣辣, 独有的「草青味」点到即止, 食落清爽嫩绿, 食唔停口! 小时候去「蕉叶」(现已全线执笠) 次次都会 order 马拉盏炒贵妃苗又次次都食得好开心, 而家却好似好多地方都唔供应呢只菜苗, 系咪成本太高? 还是香港人唔钟意食?
越式面包咖喱鸡: 本来以为系挖空面包再「酿」入咖喱, 嚟到原来只系面头盖上酥皮, 乜咁似 Pizza Hut d「酥皮汤」 酥皮热辣辣的又「千层」, 食落松脆酥化, 正 朋友比我更唔食得辣, 拣「越式」都系因为辣极有个谱 , 咖喱汁亦的确一 d 都唔辣, 不过仍然香浓又带甜, 好食 鸡件系配角, 但件件入味又嫩腍, 又不错㖞.
咖喱几有惊喜, 结果追加一客蒜蓉包食咖喱汁 包身烘得外边极脆, 中间就仍然软熟, 本身的蒜蓉味较淡, 但 salted 牛油涂得够晒多, 就咁食都已几香, 蘸埋咖喱就当然无可能唔好食吧.
食物不错, 配套亦好, 2 人有 4 人梳化卡位坐, 店员又友善有礼及有求必应, 印象很不错.
连加一埋单每人约 $170, 唔平, 不过有时食泰菜唔系「辣」或「九龙城」就一定系好的, 呢度各方面都令人满意, 值得试试.
张贴
