新景園咖喱小廚

营业中

休息中

真系好少会去食需要排队嘅舖头，但系呢间新景园咖喱小厨嘅咖喱猪扒饭睇到有好多人推荐，今日系特登过嚟要食呢间嘢㗎，工作日中午12点嚟到呢度，但系门口已经排晒队，特登过嚟食，所以就跟住排队，起码要排半个钟以上，但系唔系好推荐啰，叫咗个招牌咖喱猪扒，猪扒出边系干身脆口嘅，仲要出边个皮呢系比较薄啲，入边好嫩，霖埋佢哋嘅特制咖喱汁，净系个猪扒炸得比较好食啲，咖喱汁香料味好浓，如果唔系好钟意香料味嘅话呢，应该唔会钟意佢哋个咖喱汁，斋香料味唔系好夹，个价钱叫呢个猪扒其实都唔系好抵，仲要系要等好耐，唔系好明点解仲会有咁多人排队去食，食完今次冇下次啦。