文記車仔麵

营业中

休息中

去开土瓜湾帮囡囡报学校，求其喺附近揾个早餐食，见到文记车仔面，个招牌字体同深水埗好出名𠮶间差不多，就以为系同一间，就入去试吓。点知原来同深水埗𠮶间冇关系，大家一定要认清楚，千祈唔好好似我咁中伏。朝头早9:30冇车仔面，只有茶餐厅式早餐。我叫咗雪菜肉丝米份配太阳蛋。一份咁平凡嘅早餐都可以整得好难食，真系唔简单。个米粉劲林，汤底完全冇味；𠮶份面包睇见都唔开胃。冻柠茶冇茶味，叫咗少甜但系都系偏甜。仲有就系帮我落单𠮶位姐姐态度麻麻，落单落慢啲都俾面色你睇。