影片
更多
2024-05-10
2013 浏览
识饮识食嘅，我成日周围食嘢，今日嚟到而家喺兆万中心嘅放题唔系讲笑真系几正，应该系话CP值超高餐厅环境⭐️⭐️⭐️系一间唔算好新嘅餐厅听佢哋同事讲都开咗10年，有装修过，不过见啲墙身系有啲旧，但系坐落去都算阔落。刺身寿司⭐️⭐️⭐️⭐️刺身种类都算多，三文鱼色泽分明有油光够到够新鲜，厚薄适中唔会话因为系放题所以薄切切。赤虾好大只，佢哋仲会挑埋肠，干净卫生，唔会食到一口沙。珍宝带子都好大粒唔会好似出面啲放题剁到碎晒。。其他寿司款火炙寿司样样都好食，作为寿司控既我每样都食咗两件，其他军舰紫菜都好脆身唔系腍啤啤。熟食方面⭐️⭐️⭐️⭐️⭐️烧海虾好大只啲同事讲话系用虎虾，我相信好少放题会用到，肉身爽口，简简单单用海盐烧已经好好食。另外要提一提个烧牛舌，我想讲系未食过一间放题嘅牛舌咁好食，入味之源唔会好干身烧到啱啱好。羊架都好大件同埋啲同事会好细心提你趁热食唔系会show好贴心。仲有其他炸嘢同其他放题都差唔多啦，大致一样样唔使特别讲。服务⭐️⭐️⭐️⭐️⭐️呢度嘅服务系好贴心，每一个位置都好到位，例如食虾嘅时候佢哋会主动递纸巾比客人。啱啱坐低佢哋亦都主动拎汽水俾我拣未试过有一间放题会连汽水都攞埋俾你拣，我见到佢哋有啲其他客人生日
识饮识食嘅，我成日周围食嘢，今日嚟到而家喺兆万中心嘅放题唔系讲笑真系几正，应该系话CP值超高
餐厅环境⭐️⭐️⭐️
系一间唔算好新嘅餐厅听佢哋同事讲都开咗10年，有装修过，不过见啲墙身系有啲旧，但系坐落去都算阔落。
刺身寿司⭐️⭐️⭐️⭐️
刺身种类都算多，三文鱼色泽分明有油光够到够新鲜，厚薄适中唔会话因为系放题所以薄切切。赤虾好大只，佢哋仲会挑埋肠，干净卫生，唔会食到一口沙。珍宝带子都好大粒唔会好似出面啲放题剁到碎晒。。
其他寿司款火炙寿司样样都好食，作为寿司控既我每样都食咗两件，其他军舰紫菜都好脆身唔系腍啤啤。
熟食方面⭐️⭐️⭐️⭐️⭐️
烧海虾好大只啲同事讲话系用虎虾，我相信好少放题会用到，肉身爽口，简简单单用海盐烧已经好好食。另外要提一提个烧牛舌，我想讲系未食过一间放题嘅牛舌咁好食，入味之源唔会好干身烧到啱啱好。羊架都好大件同埋啲同事会好细心提你趁热食唔系会show好贴心。仲有其他炸嘢同其他放题都差唔多啦，大致一样样唔使特别讲。
服务⭐️⭐️⭐️⭐️⭐️
呢度嘅服务系好贴心，每一个位置都好到位，例如食虾嘅时候佢哋会主动递纸巾比客人。啱啱坐低佢哋亦都主动拎汽水俾我拣未试过有一间放题会连汽水都攞埋俾你拣，我见到佢哋有啲其他客人生日仲会有蛋糕送作为一间放题呢啲服务已经做到好似俱乐部一样咁贴心要俾五个赞👍👍👍👍👍
总括嚟讲以依个价钱比到上面咁多样嘅嘢，我觉得依间放题做多10年都冇问题🙂
张贴
