卓記粥粉麵小廚

营业中

休息中

而家咁嘅时势，不如快啲执咗佢好过啦，做生意做到咁嘅。 原本打算快快手手买个外卖就走， 净系见到墙上写住套餐$52，咁是但啦叫个咕噜肉跟饭啦， 呢个时候佢先至话冇， 咁我问佢有冇餐牌， 个阿姐就比咗个餐牌比我， 我就快快手手叫个菠萝咕噜肉， 加$16转套餐（ 跟埋热饮同白饭）， 等咗一阵都仲未落单，原来系等入面煮紧面个阿姐出嚟落单， 佢完全冇话比我听几多钱，直接就叫我都八达通， 之后我叫佢出返张单比我，一睇点解无端端热奶茶会加$7， 佢话我个奶茶$7同白饭$13系另外叫， 我话乜唔系套餐咩，佢话而家冇套餐，我𠮶个系旧餐牌，我咪话：阿姐,个餐牌系你比我睇㗎嘛，唔系我自备㗎㖞。跟住佢话啲嘢全部煮紧一定要比钱。