Cafe Wellcome x BBQ Place (已結業)

同朋友喺EMAX揾餐厅食lunch，就见到有个广告牌写住Cafe Wellcome全港最大空中花园，所以一于即管去睇吓餐厅楼面非常阔落，平时应该有做开自助餐，不过佢午市都有提供一啲套餐我同朋友叫咗两个套餐，分别系: 午市套餐 F. 西京烧比目鱼配饭 98每个套餐都会送一碗餐汤餐包同埋沙律。餐汤系罗宋汤，有别于一般港式茶记嘅茄膏味罗宋汤，饮得出个汤系真材实料，用咗好多款蔬菜，同埋有阵阵嘅牛骨味。至于西京烧比目鱼焗得啱啱好，一啲都唔干身入口非常嫩滑。而且个味道甜甜地之余又焗得好香，非常好食午市套餐 G.BBQ猪仔脾配薯菜108BBQ猪仔脾煮得好稔，配埋类似蜜糖烧汁嘅酱料真系好夹，一啲都唔干身，而且份量嚟讲系有三条咁多薯条都系新鲜整嘅热辣辣，而菜方面有翠玉瓜同鸡髀菇，味道都唔错套餐仲送饮品同甜品我哋叫咗热柠檬水、热菜蜜同埋两杯木糠布甸，个布甸系出乎意料嘅好味，饼碎同忌廉嘅份量比例啱啱好，唔会太腻。成个套餐真系非常丰富。