健康齋廚

营业中

休息中

成日出街食，肉腻之余盐糖味精都好重，所以决定试间无味精系列既斋菜铺位虽然身处细街，但质素一d都唔差套餐注明没味精，的确，味道一食就知，起码我没食完返去口干饮水闲日都咁多人，已经好期待佢既斋菜有唔同人数既套餐选择，但我呢次散叫，希望可以试多d店主推介既野呢个芋头鱼，又名五柳素鲜班，炸得好香脆，香芋味浓，入口就化泥，但一d都唔油腻，我估用油都好有关，唔似出面食完好肥腻感觉西芹腰果炒菇🍄丁，呢味好似屋企自己炒咁健康，好有住家味道，腰果香脆，芹就爽甜，配合冬菇既香，好清新竹笙上上素煲，煲仔素菜系店主推介，果然没介绍错！南乳味好香，支竹好淋一d都没出面食既豆压味，竹笙索晒南乳香，配合埋最底既菜心，比罗汉斋更丰富，更啱配饭最后点左个汤，素翅，好足料，里面d豆制丝都几似肉丝，木耳既爽脆，好饮值得一提个甜酸汁，好惹味，五颜六色既甜椒丰富左个卖相同味道，点炸野一流后生饮唔惯佢地自家凉茶唔紧要，有一品，我地一黑一白，健康之选！总结，住家味咁健康，清淡得黎好多款式，我好推荐呢间斋菜，好多间斋菜斋而不淡反而油腻，健康斋厨真正做到健康，味美！