越棧越式湯粉專門店 (荃灣廣場) (已結業)

逢假日荃湾都非常多人，于是去左人流比较少既越栈谂住是旦食个晚饭，点知竟然会有咁差既经历！ 之前都去过绿阳坊既分店食过，感觉不错。点知今次点左个香茅猪扒汤河，一送黎碟猪扒竟然有只红色既蜘蛛系到爬！我同朋友即刻叫左个侍应过黎睇。个阿姨马上揉死左只蜘蛛，之后话换过碟比我地。过左5分钟都冇佢就比过碟猪扒，个碟就系换左既，但猪扒有冇换到就不得而知啦。 本身我都谂住算，但系竟然食食下河粉，比我见到咁大只虫系碗河到！！！哥下我真系想呕，我估唔到系越栈，一间荃湾广场内既餐厅竟然会唔卫生到呢个地步！仲要系接二连三见到食物有昆虫！我地再次去侍应阿姨过黎，佢话可以换过碗，但我地拒绝左，因为已经唔敢再食！ 最后，冇咩落肚之下两个人要$190。咁既价钱竟然有两只虫，真系多谢晒！ 提醒大家千祈唔好去食，肠胃炎就唔好啦，依家我都好惊会肚痛 放心我会打去食环反映此店既恶劣卫生情况！但我以后都唔会再光顾呢间有虫食店！