影片
更多
2021-11-10
760 浏览
系一个风和日丽嘅中午，经过一间装修感觉唔错嘅咖啡店。平时其实都钟意试吓唔同咖啡店，抱住一是无妨嘅心态就叫咗一杯鲜奶咖啡。 咖啡店店面唔系好大，只有两枱位置，我叫外卖咖啡，等左十几分钟，原因系店员话我哋张单之前有四杯咖啡冲紧—— 唔紧要！好嘢系要等嘅！ 首先我哋目睹咗我哋前一张单出炉嘅一杯Dirty。饮过Dirty 都知道，一杯正常嘅Dirty 就系上层深啡色嘅expresso，下层鲜奶。而我哋见到嘅系，一杯浅啡色嘅混合物。𠮶个时候我哋已经心知不妙。大家都系等咗一阵，我哋见到其中个店员走咗出嚟。发生咩事？原来coffee shop用晒啲牛奶！但系都唔紧要嘅，起码我哋个杯咖啡都仲冲到！再过多5分钟，我哋嘅咖啡终于出嚟喇。一接到杯咖啡，哗好热！辣手㗎！果然系热咖啡。首先打开杯盖，谂住欣赏下个拉花先。话晒都叫Specialty coffee，应该都有惊喜比到我哋嘅。咦？冇嘅？唔紧要！外表系唔重要，最重要系内涵呀嘛！所以我哋都冇特别在意上面好似岩洞咁粗嘅奶泡，怀着战战兢兢嘅心态就饮咗第一啖。哗，系中药嘅味道！个中苦涩，实在难以形容。唔通冲咖啡嘅人，经历过啲乜嘢事情？饮咗大概三分之一杯，越饮越觉得
咖啡店店面唔系好大，只有两枱位置，我叫外卖咖啡，等左十几分钟，原因系店员话我哋张单之前有四杯咖啡冲紧—— 唔紧要！好嘢系要等嘅！
首先我哋目睹咗我哋前一张单出炉嘅一杯Dirty。饮过Dirty 都知道，一杯正常嘅Dirty 就系上层深啡色嘅expresso，下层鲜奶。而我哋见到嘅系，一杯浅啡色嘅混合物。𠮶个时候我哋已经心知不妙。
大家都系等咗一阵，我哋见到其中个店员走咗出嚟。发生咩事？原来coffee shop用晒啲牛奶！但系都唔紧要嘅，起码我哋个杯咖啡都仲冲到！再过多5分钟，我哋嘅咖啡终于出嚟喇。
一接到杯咖啡，哗好热！辣手㗎！果然系热咖啡。首先打开杯盖，谂住欣赏下个拉花先。话晒都叫Specialty coffee，应该都有惊喜比到我哋嘅。咦？冇嘅？唔紧要！外表系唔重要，最重要系内涵呀嘛！所以我哋都冇特别在意上面好似岩洞咁粗嘅奶泡，怀着战战兢兢嘅心态就饮咗第一啖。
哗，系中药嘅味道！个中苦涩，实在难以形容。唔通冲咖啡嘅人，经历过啲乜嘢事情？
饮咗大概三分之一杯，越饮越觉得唔妥，再打开杯过一望望，见到细细粒嘅油脂。呢一啲系我哋饮咗咁多年鲜奶咖啡都未见过嘅物体。我哋不禁喺度猜测，到底佢哋系过期咖啡豆所造成？定系打奶嘅奶嘴长期冇清洗所造成？系猜测嘅过程，我哋经过左一个垃圾桶，就将大半杯冇办法入口嘅咖啡送咗比佢。
经过呢件事口，我好多谢呢间咖啡店俾咗一个欢乐嘅30分钟我哋。最后我劝告店主，你，不如去学下冲咖啡先。
22 浏览
0 赞好
0 留言
张贴
