影片
更多
2023-12-06
76 浏览
第一饮清酒系先向唎酒师讲出自己对酒嘅要求，然后完全由唎酒师亲自拍板拣酒，而且完全系无menu，价钱亦唔系一支支计系逐杯计，配搭佢哋出色嘅食物，系非常之特别嘅一餐。Sake Flight 45ml*4 $178Sake Flight系由唎酒师选择的4款不同产地嘅清酒组成，希望品尝到唔同日本不同产地嘅清酒风格，而今次嘅代表分别系：1.枥木 仙禽第一款系味道较温和，饮落伴随少少香气同轻轻嘅酸味，酒香同酸味会残留系口腔比较长时间。2.茨城 水府自慢第二款同样系口味较温和，但多咗份果香味增强咗层次感，酸度唔高饮落清爽易入口。3.山口 龙之尾第三款就明显米香味浓郁好多，同样带有水果香味，但就多咗微微嘅辛口感觉，味道混合得相对较平衡。4.岩手 菊之司第四款味道同样较丰富，就口感相对较滑，甜味同酸味都较柔，带少少辛口。凤凰美田 Melon青玉 $98本人最爱嘅一款，由100%日本产哈蜜瓜制成，饮落够晒香甜又清新，酒味非常之淡，饮到底仲有哈蜜瓜果肉，啱晒女仔饮👍🏻。宝船浪之音 纯米大吟酿 浪庵 $78果香味最浓嘅一款，仲多咗阵花香味，口感有层次，唔算太辛口，饮落好舒服。无穷天稳 水母 水酛 纯米吟酿 $
Sake Flight 45ml*4 $178
Sake Flight系由唎酒师选择的4款不同产地嘅清酒组成，希望品尝到唔同日本不同产地嘅清酒风格，而今次嘅代表分别系：
1.枥木 仙禽
第一款系味道较温和，饮落伴随少少香气同轻轻嘅酸味，酒香同酸味会残留系口腔比较长时间。
2.茨城 水府自慢
第二款同样系口味较温和，但多咗份果香味增强咗层次感，酸度唔高饮落清爽易入口。
3.山口 龙之尾
第三款就明显米香味浓郁好多，同样带有水果香味，但就多咗微微嘅辛口感觉，味道混合得相对较平衡。
4.岩手 菊之司
第四款味道同样较丰富，就口感相对较滑，甜味同酸味都较柔，带少少辛口。
凤凰美田 Melon青玉 $98
本人最爱嘅一款，由100%日本产哈蜜瓜制成，饮落够晒香甜又清新，酒味非常之淡，饮到底仲有哈蜜瓜果肉，啱晒女仔饮👍🏻。
宝船浪之音 纯米大吟酿 浪庵 $78
果香味最浓嘅一款，仲多咗阵花香味，口感有层次，唔算太辛口，饮落好舒服。
无穷天稳 水母 水酛 纯米吟酿 $90
最后一款都系最特别嘅一款，带有乳酸香味，入口果刻好清爽，随之而嚟系甜酸果香同埋一阵辛口口感，最过瘾系一吞落喉咙后所有味道都随之消散，类似口腔俾水母螯咗一下咁嘅感觉😂。
精美前菜 $38/每人
前菜系一碟小鱼干，望落无乜特别但味道十分之香甜，一口一条食得好过瘾。
关东煮 $88
食材有鱼糕、蒟蒻、鸡蛋同萝卜，个人最钟意佢嘅萝卜同鱼糕，汤汁入晒味，仲可以点埋佢个秘制芥末酱一齐食，够晒惹味。
熊本番茄沙律 $58
番茄本身已经十分清甜爽口，配埋甜甜嘅沙律酱汁同沙律菜，越食越开胃。
牛小排 $128
煮得啱啱好唔会过分熟嘅牛小排，肉味十分浓郁美味，肉汁亦锁得十分足，无需点酱都好好味。
大葱鸡肉 $38
呢串嘅酱汁非常之惹味浓郁，鸡肉本身都够嫩滑，配合一齐好好味。
鸡胸软骨 $42
唔讲其实都唔知系鸡软骨，事关已经系软腍到好似食紧肉咁，送酒非常一流。
熟成阿波尾鸡翼 $80
味道好出色嘅鸡翼，上面铺满味粉，咬落又香甜又惹味，个人非常推荐🐻👍🏻，
原块鸡皮 $42
炸到香脆又香口嘅鸡皮，最啱食几块就饮啖清酒。
1 浏览
0 赞好
0 留言
张贴
