Green Tech Cafe (已結業)

有时唔可以成日做食肉兽，我会捉埋老公去食素。本身想食佢个high tea，不过份量好似好多。今次净系叫咗三样嘢食share。泰式冬荫意大利饭($88)。初头以为面头果旧系无花果，原来系泰式茄子，烧得好香。成个饭湿湿地， 有好香金不换味，酸酸辣辣好开胃，越食越想食。士多啤梨芝士蛋糕(+$38)。清清淡淡食落有乳酪味。上面有好甜嘅芒果粒，高分过个蛋糕。特饮(+15)。大大杯好足料，唔记得晒有啲咩，净系记得有红火龙果，香蕉同玫瑰。好清新，好消暑，健康之选。总结系，耐唔耐食一次素感觉好健康，会再去试下佢其他菜式。